પ્રદીપકુમારની કલમે…

                     મધુર મહેંક

તાઃ૧૭/૧૨/૨૦૧૦             પ્રદીપ બ્રહ્મભટ્ટ

મહેંક મળે જીવનમાં,તો થઈ જાય ઉધ્ધાર
કઈ મહેંક ક્યારે મળે,જે દઈ જાય સહવાસ
                      ……….મહેંક મળે જીવનમાં.
માનવ જીવન જીવતાં,જો માનવતા મહેંકાય
મળે જ્યાં માનવ પ્રેમ,ત્યાં ઉજ્વળતા દેખાય
જીવનસંગીનો પ્રેમ મળતાં,હર્યુભર્યુ ઘર થાય
ઉજ્વળ જીવન જીવીજતાં,જીવન મહેંકી જાય
                        ………મહેંક મળે જીવનમાં.
મોહમાયાનો સંગ લેતાં,સધ્ધરતા ભાગી જાય
દેખાવની દુનીયા પકડાતાં,મનડુંય ડગી જાય
મહેંકનો અણસાર ના મળેતો,જીવન નર્ક થાય
અંતેતો મળે કુદરતનીસોટી,જે ઝીલીના શકાય
                          ………મહેંક મળે જીવનમાં.
મળે મહેંક મોગરાની,ત્યાં શ્રીજલારામ હરખાય
ભક્તિનો એદોર મળે,જેથી જીવન સાર્થક થાય
છુટેબંધન કળીયુગના,ને માનવતા મહેંકી જાય
મધુરમહેંક મળતાકળીયુગે,જન્મસફળ પણથાય
                            ………મહેંક મળે જીવનમાં.

=============================

                          શેરડીના બાબા

તાઃ૧૦/૧૨/૨૦૧૦                        પ્રદીપ બ્રહ્મભટ્ટ

ભક્તિભાવથી આંગળી ચીંધી,કરવા જીવોનું કલ્યાણ
સંસારી બંધન સાચવી જીવને,મળે મુક્તિએ સંગાથ
                       ………ભક્તિભાવથી આંગળી ચીંધી.
પકડી આંગળી જ્યાં બાબાની,ના કોઇ ભેદભાવે સંતાય
ના હિન્દુ ના મુસ્લીમ અહીંકોઇ,સૌ છે કુદરતના સંતાન
જીવન ઉજ્વળ બનવા જ લાગે,જ્યાં મારું તારું છોડાય
આંગળી ચીંધી શેરડીના બાબાએ,છે અલ્લાહ ઇશ્વર એક
                     ………..ભક્તિભાવથી આંગળી ચીંધી.
ભક્તિમાં એવી શક્તિ છે,જે સાચી માનવતા દઇ જાય
લોભ,મોહ નેમાયા ના મળે,જ્યાં શરણે બાબાને જવાય
જન્મ સફળ ને ઉજ્વળ જીવન,જે સંસારમાં મહેંકી જાય
પાવન કર્મ થઈજતાં દેહે,અંતે જીવ સ્વર્ગે પહોંચી જાય
                       ……….ભક્તિભાવથી આંગળી ચીંધી.

===============================

                           ભક્તિ લકીર

તાઃ૩૦/૧૧/૨૦૧૦                    પ્રદીપ બ્રહ્મભટ્ટ

સોમવારની શીતળ સવારે,શ્રી ભોળાનાથ ભજાય
ઉજ્વળ પ્રભાત સંગે મળતાં,જીવન ઉજ્વળ થાય
                       ……….એવા સાતવાર કહેવાય.
મીઠી મંગળવારની લીલા,જ્યાં શ્રીગણેશજી પુંજાય
જીવનીજીંદગી બનેનિરાળી,ને જન્મસફળ સહેવાય
                       ……….એવા સાતવાર કહેવાય.
બુધવારની શીતળ પ્રભાતે,માઅંબાને ભજી જવાય
મળે શાંન્તિ,પ્રેમજગતમાં,ને જીવથી શાંન્તિલેવાય
                       ……….એવા સાતવાર કહેવાય.
ગુરૂવાર તો સંતોનો વાર,જ્યાં જલાસાંઇને ભજાય
ઉજ્વળ રાહમળે ભક્તિથી,જે જન્મસફળ કરી જાય
                       ……….એવા સાતવાર કહેવાય.
શુક્રવારની ભઈ વાત નિરાળી,માતાની પુંજા થાય
દુર્ગા,સંતોષી ને કાળકા,સાથે મા લક્ષ્મી રાજી થાય
                       ……….એવા સાતવાર કહેવાય.
શનીવાર ભક્તિનો દીવસ,જ્યાં હનુમાનજી પુંજાય
શક્તિનો ભંડાર ભક્તિથી,જે મળીગયો તેમ દેખાય
                        ……….એવા સાતવાર કહેવાય.
રવિવાર ના રજાનો દીવસ,પ્રભાતે પ્રભુ પુંજા થાય
મળી જાય અણસાર દેહને,તેને જન્મ સફળ દેખાય
                       ………..એવા સાતવાર કહેવાય.

+++++++++++++++++++++++++++++++

                       વિરપુરના વૈરાગી

તાઃ૨૫/૧૧/૨૦૧૦                       પ્રદીપ બ્રહ્મભટ્ટ

છો વિરપુરના તમે વાસી,તમારુ જીવન છે વૈરાગી
ભક્તિ તમારી થઈ સાચી,જેણે જીવને લીધો ઉગારી
                       ……….છો વિરપુરના તમે વાસી.
માતા રાજબાઈ હતા,ને હતા પિતા પ્રધાનજી ઠક્કર
ભક્તિલીધી ગુરૂ ભોજલરામથી,કુળને ઉજ્વળ કરવા
સાચી રાહ જીવનમાં મેળવી,તમે ભક્તિ જગે દીધી
વિરબાઈમાતાના સંસ્કારે,પ્રભુ કૃપાને મેળવી લીધી
                     …………છો વિરપુરના તમે વાસી.
અન્નદાનની શક્તિએવી,તમથી જગમાં સૌએ જાણી
પરમાત્મા પણ ભિક્ષુક થઈને,ભક્તિ માપવા આવ્યા
દીધા દાન પત્નિના પ્રભુને,ત્યાં સંસ્કાર મળેલા દીઠા
ઉજ્વળકુળ જગતમાંકીધુ,જ્યાં ભક્તિનોસંગાથ લીધો
                       ………..છો વિરપુરના તમે વાસી.

—————————————————–

જીવનમાં આવે ઉમંગ,અને પ્રેમ સૌનો મળી જાય
શાંન્તિ આવી દ્વાર ખોલે,જ્યાં શરણે પ્રભુને જવાય
                            ……….જીવનમાં આવે ઉમંગ.
મનને માયા લાગે પ્રભુની,ને કીર્તન ભજન થાય
ઉજ્વળ જીવન જીવવાજગમાં,સ્મરણ પ્રભુનુ થાય
સવાર સાંજને પકડી લેતાં,મન ભક્તિએ પરોવાય
શરણં મમઃ શરણં મમઃથી,શરણુ પ્રભુનુ મળી જાય
                               ………જીવનમાં આવે ઉમંગ.
નિત્ય સવારની પહેલી કિરણે,ગાયત્રી મંત્ર સ્મરાય
સ્વહ નો જ્યાં સ્વરમળે,ત્યાં પરમાત્મા પણ હરખાય
મુક્તિદ્વાર ખુલતા ચાલે,જેની અનુભુતીય મળી જાય
વરસે વર્ષા પ્રભુ કૃપાની,ત્યાં શરણં મમઃને સમજાય
                           …………જીવનમાં આવે ઉમંગ.

==============================

                       ભક્તિની શક્તિ

તાઃ૧૫/૧૧/૨૦૧૦                    પ્રદીપ બ્રહ્મભટ્ટ

ભક્તિ પરમાત્માની કરતાં,મન ભક્તોના હરખાય
સદમાર્ગની દોર મળે,એ ભક્તિની શક્તિ કહેવાય
                   ………..ભક્તિ પરમાત્માની કરતાં.
માયા તો સંગે દેહનેચાલે,ના કોઇથી એને છોડાય
જીવ અવનીએ આવતા,પ્રાણીપશુ માનવ દેખાય
કર્મનાબંધન સંગે આવે,જે મળેલ દેહને જકડીજાય
ભક્તિની શક્તિ ન્યારી,જે કર્મના બંધન તોડીજાય
                  …………ભક્તિ પરમાત્માની કરતાં.
સમજણ મનની સાચી છે,જ્યાં ભક્તિ દોર પકડાય
મળીજાય આશીર્વાદ સંતના,જે મુક્તિએ લઈ જાય
રામનામની માળા કરતાં,જેમ શ્રીજલારામ હરખાય
વિરબાઇમાતાની ભક્તિએતો,પરમાત્મા ભાગી જાય
                    ………..ભક્તિ પરમાત્માની કરતાં.

===============================

                      હાથની માળા

તાઃ૧૪/૧૧/૨૦૧૦                    પ્રદીપ બ્રહ્મભટ્ટ

જીવને જ્યારે જ્યોત મળે,ત્યારે ભક્તિ મળી જાય
સાચી શ્રધ્ધા રાખતાંજ,હાથમાં માળા આવી જાય
                      ……….જીવને જ્યારે જ્યોત મળે.
માળાથીજ અણસાર મળે,ત્યાં કળીયુગ છુટી જાય
બંધ આંખે સ્મરણ કરતાં,મનને શાંન્તિ મળી જાય
જગના બંધન છુટવા લાગે,ભક્તિએ મન પરોવાય
જીવને દ્રષ્ટિ ભક્તિનીમળતાં,મોહમાયા ભાગી જાય
                      ………..જીવને જ્યારે જ્યોત મળે.
સહવાસ મળતાં સંતનો,સાચીરાહ જીવને મળીજાય
મુક્તિનાદ્વાર ખોલવા લાગે,માળા જ્યાં હાથે લેવાય
શાંન્ત ચિત્તે ભજન કરતાં,પાવન આજન્મ થઇ જાય
મળી જાય છે કૃપા પ્રભુની,મળેલ જન્મ સાર્થક થાય
                      ………..જીવને જ્યારે જ્યોત મળે.

###############################

                    Jalaram / જલારામ                                              

                      રાખજો હેત

તાઃ૧૨/૧૧/૨૦૧૦                   પ્રદીપ બ્રહ્મભટ્ટ

પ્રેમ કરુ છુ હૈયેથી તમને,ને સેવા કરુહું મનથી
લાગણી સ્નેહ દેજો બાપા,ભક્તિ કરુ તનમનથી
                  ………..પ્રેમ કરુ છુ હૈયેથી તમને.
ભક્તિનો અણસાર તમથી,મળી ગયો આ જન્મે
શ્રધ્ધા રાખી સ્મરણ કરતાં,કૃપા પ્રભુની હું જોતો
દેજો સદબુધ્ધિ આદેહે,રાખજો જીવનનેય જકડી
મોહ માયાને દુર રાખી, ભક્તિમાં રાખજો પકડી
                  ………..પ્રેમ કરુ છુ હૈયેથી તમને.
વંદન કરતાં શ્રધ્ધા હું રાખુ,ને ભક્તિ પ્રેમ માગું
દેજો જીવને મુક્તિઅંતે,ના મોહમાયા લઇ આવું
સત્ય વચન ને સેવા સાચી,ભવ સુધારવા સારું
આવજો અંતે લેવાજીવને,જ્યાં મૃત્યુ દેહનુ પામું
                  ……….. પ્રેમ કરુ છુ હૈયેથી તમને.

===========================

                           ધુન લાગી

તાઃ૨/૧૧/૨૦૧૦                       પ્રદીપ બ્રહ્મભટ્ટ

રામનામની લગની લાગી,ભક્તિની જ્યાં ધુન લાગી
જીવને શાંન્તિ મળવાલાગી,પ્રભુ ભક્તિ સાચી લાગી
                     ………..રામનામની લગની લાગી.
નિત્ય સવારે સ્મરણ કરતાં,પુંજનઅર્ચન મનથી થતાં
મનમંદીરના દ્વાર ખોલતાં,શ્રીજલાસાંઇના દર્શન થતાં
નિર્મળ સ્નેહ માબાપનો મળતાં,આશીર્વાદ મળી જતાં
મળેલ જન્મ સાર્થક કરવા,શ્રધ્ધા ભક્તિ પ્રેમે હું કરતો
                     ………..રામનામની લગની લાગી.
વર્તન વાણી સાચવી લેવા,પ્રભુ કૃપા હું માગી રહેતો
પ્રભાતની પુંજા પાવનકરવા,જલાસાંઇને પ્રેમે ભજતો
મોહમાયાને દુર કરવા,સતત સ્મરણ હું મનથી કરતો
ધુપદીપ હું ઘરમાં કરતો,ભક્તિ સાચા ભક્તની કરતો
                        ………રામનામની લગની લાગી.

*************************************

                             પવિત્ર દ્વાર

તાઃ૩૧/૧૦/૨૦૧૦                     પ્રદીપ બ્રહ્મભટ્ટ

પ્રભાતમાં બારણું ખોલતાં,સુર્યદેવના દર્શન થાય
ઉજ્વળ જીવન લાગે દેહે,જ્યાં સુર્ય કિરણ જોવાય
                       ……….પ્રભાતમાં બારણું ખોલતાં.
પવિત્ર ધર્મ મળ્યો હિન્દુનો,સત્કર્મોથી જ મેળવાય
માનવતાની મહેંક પ્રસરે,જ્યાં પ્રભુની ભક્તિ કરાય
અહંકાર અભિમાનને છોડી,માળા જલાસાંઇની થાય
સાચુ શરણું જીવનેમળતાં,સુર્યદેવનું આગમન થાય
                       ………..પ્રભાતમાં બારણું ખોલતાં.
મળતાં પવિત્ર ધર્મ જીવને,ફરજ પવિત્રકર્મની થાય
સંસ્કાર એતો સોપાનસીધ્ધીના,આશીર્વાદે મળીજાય
સંતાનોને સાચી રાહ મળતાં,ધર્મ આપણો સચવાય
મળે ભક્તિ,પ્રેમ માનવતાનો,એ પવિત્રદ્વાર કહેવાય
                       …………પ્રભાતમાં બારણું ખોલતાં.
સંસારની  સાંકળ છે નાની,પણ કોઇથીય ના તોડાય
મનથી કરતાં સાચી ભક્તિ,દેહ ને તેનાથી બચાવાય
નાતાકાત જગતના કોઇજીવની,કે તેનાથી બચીજાય
પ્રભુકૃપાએ શાંન્તિ આવે સાથે,દુઃખને હલવુ કરી જાય
                        ………..પ્રભાતમાં બારણું ખોલતાં.

$$$$$$$$$$$$$$$$$$$$$$$$$$$$$$$$$$