March 31st 2010

જીવનનો અરીસો

                         જીવનનો અરીસો

તાઃ૩૧/૩/૨૦૧૦                          પ્રદીપ બ્રહ્મભટ્ટ

મળે ભક્તિના વ્હેણ જીવને,તો જીવન પાવન થાય
આવે પ્રભુકૃપાની દેણ,જે જીવને મુક્તિ આપી જાય
                             ………મળે ભક્તિના વ્હેણ જીવને.
સકળ જગતના પિતાનીકૃપા,એ અજાણતા મળી જાય
નામાયા નામમતાની પ્રીત,જે કળીયુગમાં આવી જાય
પ્રેમ જગતમાં પામવાજીવ,સાચી ભક્તિને પકડી જાય
ઉમંગ આવે ને ઉત્સાહ વધે,ને પરમાત્માય રાજી થાય
                           …………મળે ભક્તિના વ્હેણ જીવને.
ડગલે પગલે પવિત્ર જીવન,ને જીવો સૌ પણ હરખાય
પાવકપ્રેમની જ્વાળા રહેતા,આનંદ પણ હૈયે જ થાય
કરતા કામ સંસારમાં જીવને,સરળતા ને જ સહેવાય
અડચણ ભાગે દુર તમથી,જે સાચી ભક્તિએ મેળવાય
                            ………..મળે ભક્તિના વ્હેણ જીવને.
માનવીજીવન પાવન લાગે,સાચો સ્નેહ પ્રેમ મળીજાય
પળપળને પારખીને રહેતા,સાચા સંતનો મેળાપ થાય
કૃપાતણી વર્ષાને પામવા,ભક્તિનો આશરો મળી જાય
માળાના મણકે મણકે,જ્યાં નામ પરમાત્માનુ જદેવાય
                             ………..મળે ભક્તિના વ્હેણ જીવને.

=================================

March 30th 2010

સંગીત પ્રેમ

                  

 

 

 

 

 

                                સંગીત પ્રેમ

તાઃ૨૨/૩/૨૦૧૦       (ન્યુજર્સી)        પ્રદીપ બ્રહ્મભટ્ટ

ગોપાલ ગોપાલ બુમ સાંભળતાં,ઢોલક લઇને આવે
હાર્મોનિયમથી સ્વરમેળવવા,જીતુ જલ્દીદોડી આવે
                  ………ગોપાલ ગોપાલ બુમ સાંભળતાં.
સરગમના સુરને મેળવી,અશ્વીન પણ આવે ત્યારે
લઇ ખંજરી હાથમાં ત્યારે,પીપી વિનુ દોડતો આવે
                 ……….ગોપાલ ગોપાલ બુમ સાંભળતાં.
આણંદ, નડીયાદ કે ડાકોર,સંગીતની મહેંક પ્રસરાવે
આવે જ્યારે સ્ટેજપર અશોક,અવાજ કિશોરનો લાવે
                 ……….ગોપાલ ગોપાલ બુમ સાંભળતાં.
રફી,મુકેશ,શૈલેન્દ્રનો અવાજ,એ મારા મુખથી નીકળે
તૈયબઅલી ગીત ને મૈ શાયર તો તાલીઓ ગગડાવે
                 ……….ગોપાલ ગોપાલ બુમ સાંભળતાં.
રફીના દર્દીલા ગીતો લઇને,રમેશભાઇ સ્ટેજ પર આવે
સ્વર સંગીતના તાલ સાંભળી,પ્રદીપ પટેલ દોડીઆવે
                  ………ગોપાલ ગોપાલ બુમ સાંભળતાં.
માઇક હાથમાં મળી જતાં,રાજુ શુકલ ખુશી લઇ આવે
આગળ પાછળનો ના વિચાર રહેતા,આનંદ સૌ માણે
                  ………ગોપાલ ગોપાલ બુમ સાંભળતાં.
મનથી આનંદ ઉભરેત્યારે,જ્યાં તાલીઓ હૉલમાંવાગે
વન્સમૉર વન્સમૉર સાંભળતાં,મિત્રો સૌ ખુબ હરખાય
                 ……….ગોપાલ ગોપાલ બુમ સાંભળતાં.
મળ્યો પ્રેમ સંગીતકારોનો,જે આણંદમાં મહેંકી જાય
આજકાલને ભુલી જતાં,ભુતકાળની યાદ તાજી થાય
                 ……….ગોપાલ ગોપાલ બુમ સાંભળતાં.

================================

March 29th 2010

કળીયુગી વ્હેણ

                       કળીયુગી વ્હેણ

તાઃ૨૯/૩/૨૦૧૦                         પ્રદીપ બ્રહ્મભટ્ટ

મળશે માયામોહ જગતમાં,ના મળશે દિલથી પ્રેમ
કળીયુગની  આ કામણ  કાયા,ના ચાલે સીધા વ્હેણ
                    ……….મળશે માયા મોહ જગતમાં.
કુદરતને ના પારખે કોઇ,કે ના રાખી શકે સીધા નૈન
પામવા કામણલીલા જગની,ભુલી જાય પ્રભુનો પ્રેમ
                   ………..મળશે માયા મોહ જગતમાં.
મોહ આવી બારણે ઉભો રહે,ને માયાય વળગી જાય
અતુટ બંધન છેપરમાત્માના,માનવી માને જેમ તેમ
                    ……….મળશે માયા મોહ જગતમાં.
અવનીપરના આગમનમાં,જીવને તક મળે અનેક
પારખી સમયને પકડી લેતાં,પ્રભુ  કૃપા પામે છેક
                    ……….મળશે માયા મોહ જગતમાં.
લાગણી પ્રેમની ના જ્યોત,ત્યાં ઉભરો દેખાઇ જાય
મળે કળીયુગમાં દેખાવનો,જે દુઃખ લાવે છે અનેક
                    ……….મળશે માયા મોહ જગતમાં.
સતયુગનો સ્નેહ સાચો,જે જીવના જન્મથી વર્તાય
કળીયુગના તો વ્હેણજ એવા,જે જીવનમાં ભટકાય
                     ………મળશે માયા મોહ જગતમાં.

================================

March 25th 2010

પ્રભુને પ્રાર્થના

                        પ્રભુને પ્રાર્થના

તાઃ૨૫/૩/૨૦૧૦                       પ્રદીપ બ્રહ્મભટ્ટ

કરુણા કરજો પરમ કૃપાળુ,જીવન ઉજ્વળ થાય
ભક્તિ પ્રેમનો જ સંગ દેજો,મુક્તિ જીવની થાય
                   ……….કરુણા કરજો પરમ કૃપાળુ.
અવનીપરના આગમનમાં,જગતે જીવ અટવાય
મોહ માયાના બંધન મલતાં,જીવ જગે મલકાય
પ્રેમ મળે જ્યાં કરતારનો,મતી જીવની બદલાય
શ્રધ્ધા રાખી પકડી લેતાં,જીવને સદગતી દેખાય
                 ………..કરુણા કરજો પરમ કૃપાળુ.
મળશે કૃપા કરુણાસાગરની,જે લાયકાતે મેળવાય
નામાગણી કે અપેક્ષારહે,જ્યાં ભજન પ્રભુના થાય
એક ભક્તિ મોહ જીવને રહેતાં,પ્રભુ પ્રેમ મેળવાય
આવી આંગણે પ્રભુ રહે, જ્યાં પ્રેમે જ દર્શન થાય
                    ………કરુણા કરજો પરમ કૃપાળુ.

================================

March 22nd 2010

જન્મદીન દીપુનો

                   જન્મદીન દીપુનો

તાઃ૨૩/૩/૨૦૧૦        જન્મ તારીખઃ ૨૩/૩/૧૯૮૫

ઉમંગ ઉછળી આવ્યો હ્યુસ્ટનમાં,સરોજબેનની સાથે
અશોકકુમારની લાડલી દીપુ,૨૫ વર્ષની થઇ આજે

મળતી માયા માબાપની,જે તેના વર્તનથી દેખાય
વ્હાલમેળવે સૌનો ત્યારે,એ બહેન વૈભવની કહેવાય

મધુર વાણી ને લાડલા શબ્દો,જે દીપુથી જ બોલાય
લાગે ત્યારે સંતાનવ્હાલા,નાની પગલીએ ઓળખાય

પાળજને પરદેશ  કરીને,કલ્પેનકુમારથી ચુંદડી ઓઢી
જીવન સંગીની બની જતાં,સૌનો પ્રેમ પણ લઇ લેતી

આનંદ સૌને હૈયેજ છે,જે દીપલ,નિશીતને ઘેર દેખાય
જન્મદીનતો દીપુને માણવા,કલ્પેનકુમાર પણ હરખાય

નાનામોટાના મુખથીઆજે,Happy birthday બોલાય
મળીજાય જ્યાં હેતપ્રેમ અને વરસે આશીર્વાદની હેલી

સુખ સમૃધ્ધિ પામી જીવે,ને લાંબુ આયુષ્ય દીપુ પામે
મળે પ્રેમ પરમાત્માનો,ને સાથે જલાસાંઇની પણ કૃપા

=====================================

    ચી.દીપુ નો આજે જન્મદીવસ છે.આજના આ પવિત્ર દીને અમો
સંત શ્રી જલાબાપા અને સાંઇબાબાને તથા શ્રી સ્વામીનારાયણને
પ્રાર્થના કરીએ કે ચી.દીપુ લાંબુ આયુષ્ય મેળવી જીવનમાં સુખ
સંમધ્ધિ પામે અને વડીલોના આશીર્વાદ મેળવી સુખી લગ્નજીવન
માણે અને જન્મદિનની યાદ રુપે આ લખાણ ભેંટ.

લી.પ્રદીપ,રમા,રવિ,દિપલ,નિશીત તરફથી જન્મદિનની શુભેચ્છા.

March 21st 2010

प्रेमकी ज्योत

                          प्रेमकी ज्योत                                          

ताः२१/३/२०१०    (न्युजर्सी)    प्रदीप ब्रह्मभट्ट

नाता है इन्सानका जहां प्यार ही मिलता है
मंझील दीलसे मीलती है जहां साथ होता है
                           ……….नाता है इन्सानका जहां.
दीलभी अपना सोचभी अपनी,महेंक लेके आती है
कलकी बाते भुल जानेसे,खुशी भी मिल जाती है
लगन दीलसे जहां लग जाती,वहां महेंक आती है
लेनदेनमें प्यार पानेसे,ज्योत प्रेमकी जलजाती है
                              ………नाता है इन्सानका जहां.
दीलदार बनेजो दुनीया में,उसे प्यार मील जाता है
उज्वल जीवन हो जानेमें,ना देर कहीं लग जाती है
प्यार  मिले इन्सानो से,तब खुशी सामने आती है
लेकर महेंक भरे जीवनको,ये धरतीपर ले आते है
                             ……….नाता है इन्सानका जहां.

===============================

March 20th 2010

આજનો દીવસ

                           આજનો દીવસ

તાઃ૨૦/૩/૨૦૧૦       (ન્યુજર્સી)        પ્રદીપ બ્રહ્મભટ્ટ

આવ્યો આજે હું પ્રેમ લેવા,જગમાં અમુલ્ય જ કહેવાય
બહેનના મળે આશીર્વાદ,ને પિતાની કૃપા મળી  જાય
                               ……….આવ્યો આજે હું પ્રેમ લેવા.
કુદરતની આ લીલા ન્યારી,માનવી  મનથી સમજાય
વિદાય આગમનને છોડી દેતાં,ઉજ્વળ જીવન થાય
પ્રેમ પામવા  જીવને જગતમાં,પ્રભુ ભક્તિ સહવાય
સાચીભાવના મળીજતાં,આજનો દીવસ ધન્ય થાય
                              ……….આવ્યો આજે હું પ્રેમ લેવા.
કર્મ  કરેલા આવેસંગે,ના કદી જગતમાં મિથ્યા થાય
અણસાર મળે છે માનવીને,જે સદગતીએ મેળવાય
કૃપા  પામીએ માબાપની,જે વર્તનથી મેળવાઇ જાય
હૈયામાંઆનંદ ઉભરેઆજે,જે જીવને શાંન્તિઆપી જાય
                             ………..આવ્યો આજે હું પ્રેમ લેવા.

=================================

March 18th 2010

મોહ ની લીલા

                           મોહ ની લીલા

તાઃ૧૮/૩/૨૦૧૦                             પ્રદીપ બ્રહ્મભટ્ટ

મણકા મોહના જો મળી ગયા,તો જીવન ભટકી જાય
એક એકને ગણતા રહેતા,માનવ  જીવન વ્યર્થ થાય
                   ………..મણકા મોહના જો મળી ગયા.
માયાતો બારણે ઉભીજ હોય,એ તક મળતા લપટાય
ભોળપણ મનનુ પારખી લેતાં,જીવનમાં વળગી જાય
શીતળ તેનો સહવાસ સમજી,કેડી એ ચાલી સહવાય
મળતી તકને પકડી લેતાં,માનવ જીવન હણાઇ જાય
                      ……….મણકા મોહના જો મળી ગયા.
નાઅણસાર મળે કદી જીવને,કે ના માર્ગ સરળ દેખાય
આવી તકલીફમળે જીવનમાં,ત્યાં ના મુક્તિને જોવાય
ઉજ્વળજીવન પામર થઇજાય,ને જન્મો જન્મ ભટકાય
નાઆરો કે ઓવારોરહે,જ્યાં મળેલ જીંદગી બગડી જાય
                       ……….મણકા મોહના જો મળી ગયા.

================================

March 17th 2010

મુક્તિનો સંકેત

                 મુક્તિનો સંકેત

તાઃ૧૭/૩/૨૦૧૦                       પ્રદીપ બ્રહ્મભટ્ટ

માનવ જન્મ મળે જીવને,ત્યાં દીસે મુક્તિના દ્વાર
ભક્તિ  સાચી પારખી લેતા,તક મળે ના વારંવાર
                     ………માનવ જન્મ મળે જીવને.
શરણુ પ્રેમથી પામીલેતાં,અનંત શાંન્તિ મળી જાય
માયામોહના જ્યાં બંધનતુટે,ત્યાં જીવ જગે હરખાય
અમૃતતણા એક ટીંપાએ,જીવને મુક્તિ એ લઇ જાય
આગમન વિદાયના તુટે તાંળા,પ્રભુ કૃપા મળી જાય
                     ………. માનવ જન્મ મળે જીવને.
આજ કાલના મોહ ખોટા,ના સમયને પકડી લેવાય
ઉંમરનાઓવારા જગે એવા,જે જીવને લટકાવીજાય
કળા જગતપિતાની ભટકાવે,જે ભક્તિએ ભાગીજાય
મળીજાય કૃપા કરતારની,મુક્તિનો સંકેત મળીજાય
                     ………..માનવ જન્મ મળે જીવને.

++++++++++++++++++++++++++++++++++

March 16th 2010

જીવના મણકા

                        જીવના મણકા

તાઃ૧૬/૩/૨૦૧૦                      પ્રદીપ બ્રહ્મભટ્ટ

જીવ જગતના પાંચ મણકા,વળગી જીવને આવે
પરમકૃપાળુ પ્રભુની લીલા,જીવને જગતમાં લાવે
                 ……….જીવ જગતના પાંચ મણકા.
પહેલો મણકો જન્મ છે,જે જીવને  દેહમાં લાવે
આવે અવની પર એ જીવ,કર્મના બંધન માણે
                ………..જીવ જગતના પાંચ મણકા.
બીજો મણકો બાળપણ નો,જે નિર્દોષ પ્રેમ પામે
મળી જાય મોટાનો પ્રેમ,આનંદ આનંદ જ લાગે
                ………..જીવ જગતના પાંચ મણકા.
ત્રીજો મણકો જુવાની છે,જે જીવના કર્મને લાવે
સત્કર્મોનો સહવાસ રાખતાં,ઉજ્વળ જીવન પામે
                 ……….જીવ જગતના પાંચ મણકા.
ચોથો મણકો એ ઘડપણનો,જે અપાર ત્રાસ લાગે
સગાં સંબંધી જ દુર ભાગે,જે ભક્તિમાં પ્રેમ લાવે
                 ……….જીવ જગતના પાંચ મણકા.
પાંચમો મણકો મૃત્યુ છે,જે દેહને જ વિદાય આપે
ભક્તિ મનથી કરેલી જીવે, તે મુક્તિ સામી  લાવે
                ………..જીવ જગતના પાંચ મણકા.

૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧

Next Page »