કેડી માનવીની
. . કેડી માનવીની
તાઃ૨૭/૧૨/૨૦૧૫ પ્રદીપ બ્રહ્મભટ્ટ
માનવદેહની અજબલીલા અવનીપર,વર્તનથી દેખાય
જીવને મળેલ દેહ અવનીએ,કર્મના બંધનથી મેળવાય
……….શીતળતાનો સંગ મળે જીવને,જે સાચી ભક્તિ શ્રધ્ધાએ સહેવાય.
માનવદેહ મળે જીવને,જે માબાપનુ સંતાન છે કહેવાય
બાળપણમાં મળે પ્રેમ જીવને,નિખાલસ જીવન દઈજાય
પવિત્રરાહ મળે માતાથી,સંતાનને ભક્તિરાહ મળી જાય
માનવતાની કેડી મળે પિતાથી,ઉજ્વળ જીવન કરી જાય
……….શીતળતાનો સંગ મળે જીવને,જે સાચી ભક્તિ શ્રધ્ધાએ સહેવાય.
ભણતરએ જીવનનુ ચણતર,જીવનમાં રાહ સાચી દઈ જાય
મનથી સાચીરાહ પકડતા,જીવનમાં સન્માન પણ મળીજાય
માતાએ દીધેલ શ્રધ્ધાએ ભજતા,જલાસાંઇની કૃપા થઈજાય
પકડી નિર્મળ કેડીને જીવનમાં જીવતા,માનવતા મહેંકી જાય
……….શીતળતાનો સંગ મળે જીવને,જે સાચી ભક્તિ શ્રધ્ધાએ સહેવાય.
==========================================