પ્રદીપકુમારની કલમે…

                             સવારનો નાસ્તો

તાઃ૩/૭/૨૦૦૮. …………………………પ્રદીપ બ્રહ્મભટ્ટ

મઝા પડી અહીં ભઇ મઝા પડી
                 સવારના નાસ્તામાં મઝા પડી
                            મઝા પડી ગઇ અહીં ભઇ મઝા પડી ગઇ.

વઘારેલા મમરા ને સાથે નાયલોન પૌઆ,
                          .  ભરી વાડકે લીધા જે ભાવે સૌથી પહેલા.
ચેવડો જોડે લીધોને થોડી રતલામી સેવ,
                          ચમચો હાથમાં રાખ્યો ખાવા નાસ્તો લીધો.

ભાવનગરી ગાંઠીયા ને જોડે ફણસી પુરી,
                             ખાતો નાસ્તો એવો ના ઇચ્છા રહે અધુરી
ફુલવડી તીખી મઝાની ને સાથે શક્કરપારા
                      ખાખરા ખાતો ભઇ સાથે લસણીયું મરચુ લઇ

ચા પણ સાથે લેતો તેમાં નાખીને  બૉર્નવીટા
                          ભજન જલાના સાંભળુ ને નાસ્તો ધીમે કરુ
ના બ્રેડબટર કે ટોસ્ટ, નાકૉફી કે ના કોક લેતો
                      મસ્ત મઝાનો નાસ્તો, આતો વર્ષોથી હું ખાતો

ના હોટલ જાતા કે ના બહારનું  કાંઇ ખાતા
                    ના ભેદ અમારે કંઇ જાણે આણંદમાં ખાતા અહીં
પ્રેમ જલાબાપાને કરતા,સાથે સાંઇબાબાને સ્મરણતા
                       ગમે ત્યાં અમે રહેતા ત્યાં સાચી ભક્તિ કરતા. 

%%%%%%%%%%%%%%%%%%%%%%%%%%%%%%%

                          નજર પ્રભુની 

તાઃ૧/૭/૨૦૦૮                        પ્રદીપ બ્રહ્મભટ્ટ

એક નજર જો પડે પ્રભુની, મુક્તિ જ જીવની થાય
સ્નેહ, પ્રેમની અભિલાષામાં,જન્મ સફળ થઇ જાય
                                             ………જીવ ભક્તિએ હરખાય.
કુદરતનો અણસાર મળે,ને થાય ભક્તિનો સંગાથ
પામર દેહનહીં રહે આ,ઉજ્વળ સેવાથી થઇ જાય
                                              ………જીવ ભક્તિએ હરખાય.
કામક્રોધનીલાલસા ઘટતી,ને ભાવનાવધતીજાય
મનમંદીરના બારણે આવે, પૃથ્વી તણા ભરથાર
                           .                 ………જીવ ભક્તિએ હરખાય.
લાગણી મિથ્યા લોભે મળતી,ના મળે અણસાર
જલાસાંઇની ભક્તિ નીર્મળ, જગને મળતી જાય
                                             ………જીવ ભક્તિએ હરખાય.
દેહ થકી આ જન્મ સફળ, પ્રભુ સ્મરણથી થાય
આખર માનવ દેહ જ છે,જે મુક્તિ તણું છે દ્વાર
                                          ………..જીવ ભક્તિએ હરખાય.
કર્મનો જ્યાં મર્મ સમજાયો, માનવ મુક્તિ પામે
જન્મ અજ્ન્મ થઇ જતાં,જીવ પૃથ્વીએ ના આવે
                                           ……….જીવ ભક્તિએ હરખાય.

+++++++++++++++++++++++++++++++++++++++++++