પ્રકાશ દે પ્રભુ
૨૮/૭/૧૯૭૨ પ્રકાશ દે પ્રભુ પ્રદીપ બ્રહ્મભટ્ટ
( હરિઃઑમ આશ્રમ,નડિયાદ)
પ્રકાશ દે તુ, મુજ જીવનમાં, પામવાને સાચો રાહ,
પામીને હું,જીવન ઘડતર,તુજમાં આવ્યો સમાવાકાજ.
….પ્રકાશ દે તુ.
રાહમાં તો દીસે નહીં મને, જીવનના આ રસ્તા,
કષ્ટ સહન કરવાને કાજે, બળ દે મુજને આજ..(૨)
….પ્રકાશ દે તુ.
આંખે આપ્યો અંધાપો તેં, કંઈ નહીં મને દીસે,
ઉજ્વળતાના આ સાગરમાં, અંધારું વિસરાયું..(૨)
….પ્રકાશ દે તુ.
કશું નથી મારી પાસે,પણ આવ્યો તુજને મળવા,
પુષ્પ તણી આ પાંદડીઓથી,વરસાવું હું વર્ષા..(૨)
….પ્રકાશ દે તુ.
…હરિઃ ઑમ… હરિઃઑમ…
—————————
સંત પરમ પુજ્ય શ્રી મોટાની સેવામાં અર્પણ. પ્રદીપ બ્રહ્મભટ્ટ.