એકલવાયું
એકલવાયું
તાઃ૧૯/૧/૨૦૧૧ પ્રદીપ બ્રહ્મભટ્ટ
દેહ મળતાં સંબંધની કેડી,મળી મને ભઈ ન્યારી
પ્રેમની ઝીણી સાંકળ એવી,લાવેએ જીવને તાણી
……….. દેહ મળતાં સંબંધની કેડી.
અનહદ મળીજાય પ્રેમ તો,ના કોઇથી છુપાવાય
ઉભરો આવે એવો દેહ પર,જે ના કોઇથી ઉંચકાય
સુખદુઃખમાં મળે સંગાથ,ત્યાં શીતળતા મેળવાય
જીવનમાં ના પકડે હાથ,દેહે એકલવાયું સહેવાય
……….દેહ મળતાં સંબંધની કેડી.
નિર્મળતાનો સાથ મળે તો,પ્રીત પણ પાવન થાય
સાચો સ્નેહ ના સંગાથીનો,જે મિત્રો જ આપી જાય
ભાગે એકલતા દુરદેહથી,સ્નેહની સાંકળ મળી જાય
જીવન ઉજ્વળ લાગે,ને માનવતાય વરસતી થાય
……….દેહ મળતાં સંબંધની કેડી.
===============================