February 25th 2011

મારુ કોણ?

                        મારૂ કોણ?

તાઃ૨/૨/૨૦૧૧                            પ્રદીપ બ્રહ્મભટ્ટ

સુખદુઃખ સંગે ચાલે દેહને,ના કોઇથીય એ છોડાય
મારુતારુ દેહને મળતાં,જીવને જન્મ મરણ બંધાય
                    ………….સુખદુઃખ સંગે ચાલે દેહને.
જીવને બંધન કર્મના છે,ને દેહને મળી જાય સંબંધ
સાચવીલેતા બંધનને,જીવનો જન્મ સફળપણથાય
                     ………….સુખદુઃખ સંગે ચાલે દેહને.
બાળપણની શીતળતા જોવા,માતાની માયા થાય
પારણે ઝુલતા સંતાને,માતાના હૈયા પણ ઉભરાય
                     ………….સુખદુઃખ સંગે ચાલે દેહને.
સમય સંગે ચાલતા દેહે,મન બુધ્ધિથી જ સચવાય
સાચવી ચાલતા જીવનમાં,સફળતાને ય સહવાય
                      ………….સુખદુઃખ સંગે ચાલે દેહને.
કેડી જીવનની નિર્મળ છે,જ્યાં ભક્તિનો સંગ થાય
આજકાલની ચિંતા છુટતાં,જીવનમાં જ્યોત થાય
                      ………….સુખદુઃખ સંગે ચાલે દેહને.
પ્રદીપ કહે આ મારું છે,ને ઘડીકમાં કહે આ તારું
મારુંતારુંની માયા છુટે,જ્યાં મોહમાયા છુટીજાય
                      ………….સુખદુઃખ સંગે ચાલે દેહને.

++++++++++++++++++++++++++++++

February 25th 2011

જય પુજ્ય જલારામ

                      જય પુજ્ય જલારામ

તાઃ૨૪/૨/૨૦૧૧           (આણંદ)                     પ્રદીપ બ્રહ્મભટ્ટ

જય જલારામ જય જલારામ,જય જય જય બોલો, જય જલારામ (૨)
કરુણા આધાર,દે ભક્તિના દ્વાર,મુક્તિના દેજો જીવને દાન,જય જલારામ
                                 …………….જય જલારામ જય જલારામ.
માતા વિરબાઇની શ્રધ્ધાસાચી,ભક્તિએ તો પ્રભુ હરીલીધા
આજ્ઞા માની પતિ પરમેશ્વર,સાચા વર્તન જગને દીધા
વાણીને વર્તન ઉજ્વળ કીધા,પ્રેમ કુળનો પામી લીધો
પરમાત્માને ભગાવી દીધા,ઉજ્વળ જીવન કરી લીધા
……….જય જલારામ જય જલારામ,પ્રેમે બોલો જય જલારામ.

ભવસાગરથી મુક્તિ માગી,સર્જનહારની લીલા જાણી
રાજબાઇની કુખ ઉજાળી,પિતા પ્રધાને ભક્તિ  આપી
ભોજલરામથી ભક્તિ જાણી,દીધીકુળને ભક્તિ ન્યારી
જય જય રામ,જય સીતારામ,જગમાં ઉજ્વળ તે છે નામ.
…………જય જલારામ જય જલારામ,પ્રેમે બોલો જય જલારામ.

=====================================
      ઉપરોક્ત ભજન તાઃ૨૪/૨/૨૦૧૧ ના રોજ અમારા નવા ધેર પુ.પારેખ
સાહેબે શરૂ કરેલ સંગીત વિધ્યાલયના લાભાર્થે સંગીતની બેઠક કરી હતી જેમાં
ભજન તથા ક્લાસીકલ ભજન ગાયા હતા.તે બેઠકની પ્રેરણા રૂપે આ ભજન
લખેલ છે.

++++++++++++++++++++++++++++++++++++++++++++++++