પ્રદીપકુમારની કલમે…

                       આવરે માડી

તાઃ૧૦/૯/૨૦૦૯                    પ્રદીપ બ્રહ્મભટ્ટ

પાવાગઢથી માકાળકા,ને અંબાજીથી માઅંબા
નવરાત્રીના નોતરે, મા આવજો હ્યુસ્ટન રમવા
                            ………પાવાગઢથી માકાળકા.
ગરબે ઘુમતી નાર,મા તારા પ્રેમે ગુણલા ગાય
આંખને મીંચી મનથી,મા તારાએ દર્શન કરતી
પગલેપગલે નારી મંદીરના સોપાન મા ચઢતી
કરજે કરુણા દ્રષ્ટિ ને દેજે હૈયે પ્રેમ ભરેલી પ્રીતી
                            ………પાવાગઢથી માકાળકા.
મા ઢોલનગારા વાગે છે,ને દાંડીયા વાગે સાથે
ઝાંઝર છુમકે ત્યારે,તારા પગલાં પાવન લાગે
લાલ રંગની ચુંદડી ને કંકુ પણ રંગ લાવે લાલ
જીવન જ્યાંમાનાચરણે જાણે અમૃત મળ્યુઆજ
                            ……..પાવાગઢથી માકાળકા.
આવજે દ્વાર અમારે માડી તું દર્શન દેવાને કાજ
આરાસુરની અંબા પધારેને પાવાગઢથી કાળકા
નવરાત્રીના નવદીવસની પુંજા સ્વીકારવાઆજ
પવિત્ર પ્રેમ ભાવના રાખીને કરીએ આરતીસાથ
                            ……..પાવાગઢથી માકાળકા

<><><><><><><><><><><><><><><><><><><>

                        ચી.રવિને આશીર્વાદ

તાઃ૨૫/૮/૨૦૦૯                             પ્રદીપ બ્રહ્મભટ્ટ

જન્મદીનની શુભ કામના, જે મનમાં આવી જાય
પગે લાગે માબાપને,રવિને આશીર્વાદ મળીજાય
                                      …….જન્મદીનની શુભ કામના.
માગણી પ્રેમની કદી કરે ના, વર્તનથી મળી જાય
જીભ,જીવન નેવર્તન સાચવી,મનથીમહેનત થાય
સોપાનભણતરના ચઢેસાચવી,ના ક્યાંયે અટવાય
મહેનતમનથી કરીલેતા,સફળતા સાથે ચાલી જાય
                                       …….જન્મદીનની શુભ કામના.
પપ્પાનો પ્રેમ મેળવી,મમ્મીને વ્હાલ એ કરી જાય
બહેનનો પ્રેમ ટપલેખાતો,જ્યાં રહેછે પ્રેમનો નાતો
માયાનાબંધનથી છટકી,પ્રેમનોપોકારસાંભળી જાય
જલાસાંઇની મળે દ્રષ્ટિ,નેઉજ્વળ જીવન એનું થાય
                                        …….જન્મદીનની શુભ કામના.

*************************************

                               ટેબલ ખુરશી

તાઃ૧૨/૮/૨૦૦૯                           પ્રદીપ બ્રહ્મભટ્ટ

ટાય બાંધી પહેરણ પર, ને હાથમાં રાખ્યો રુમાલ
બુટ પહેર્યા ચાલવા માટે,ને ખીસ્સામાં રાખી પેન
                                  ……..ટાય બાંધી પહેરણ પર.
ઇસ્ત્રીવાળા કપડાં પહેરી,નાંખવા નીકળ્યો અરજી
માનનો મોભો ને ડોક ઉંચી, આંખો પણ કતરાય
નીચેના થોડુંય જોતા, અચાનક ખાડામાં પડાય
ના કોઇએ જોયો મને,ના ચારેબાજુ કોઇ દેખાય  
                                ……..ટાય બાંધી પહેરણ પર.
ટેબલના ચાર પાયા,ને ખુરશીને પણ પાયા ચાર
ના ખ્યાલરહ્યો અહીં આવીને,કે ના બેપગે દોડાય
લાડી મારી ઘેર રહી છે,પણ ગાડી જ્યાં ત્યાં જાય
ટેબલ ખુરશી શોધતામને,મળ્યા લારીનાપૈડાચાર
                                ……..ટાય બાંધી પહેરણ પર.
કાર્ટ ખેંચતા કૉલર છુટ્યા, ને ઇસ્ત્રી પણ દોડી  ગઇ
પેન્ટશર્ટ તો ભુલાઇ ગયા,ટીશર્ટ જીન્સ મળ્યાઅહીં
માથે  ટોપી પણ આવીગઇ,જાણે જોકર સર્કસ મઇ
અંત એવો આવી ગયો અહીં,ને નોકરી મળી નહીં
                                ……..ટાય બાંધી પહેરણ પર.

===================================

                        ફોન આવ્યો

તાઃ૧૮/૭/૨૦૦૯               પ્રદીપ બ્રહ્મભટ્ટ

મેધરાજાનો  મને ફોન આવ્યો, હું અષાઢમાં આવું છું
ગરમી તેંતો સહન કરી,૧૮મીએ હું ઠંડકલઇને આવુંછું
                                  ……..મેધરાજાનો મને ફોન.
મળવાનો મને મોહ થયો, ને એકલો હું બહુ કંટાળુ છું
મળીશ મારા સંતાનને હું,ને ખુશીને સાથે જ માણીશું
વાદળ સૌ ધોળા ફરતા તા,હવે કાળા થઇને આવે છે
વિજ કહે હું સાથે આવું, મળવાનો લઉ સાથે હુ લ્હાવો
                                    …….મેધરાજાનો મને ફોન.
૧૮મીની સંધ્યા ટાણે આવીશ,પ્રેમે રાહ જોજે તું મારી
ના પ્લેન કે સ્ટીમરમાં આવીશ,હું પવનસાથે આવીશ
ઠંડક તો સાથે લેતો આવીશ, સૌ જનને પ્રેમથી કહેજે
ખેડુતોને  હૈયે હામ તુ દે જે,ને વડીલોને દેજે અણસાર
                                   …….મેધરાજાનો મને ફોન.
સંધ્યાકાળે ઘેર તુ રહેજે,ને તોય સાથે રાખજે છત્રી
કદાચ પ્રેમનો ઉભરો ના રોકુ તો પાણી જાય વકરી
ટાઢક મારી સાથે આવશે, તોય શર્ટ પહેરી રાખજે
આવુ ત્યારે વિજળી ચમકશે, ને કડાકા સાથે રહેશે
                                  ……..મેધરાજાનો મને ફોન.

 (((((((((())))))))))))))(((((((((((())))))))))))(((((((((((()))

                  વરસાદી વેળા

તાઃ૧૮/૭/૨૦૦૯               પ્રદીપ બ્રહ્મભટ્ટ

મધુર પવનની મીઠી લહેર,
                          માનવ જીવનમાં લાવે મહેર;
કુદરતની કૃપાના આવે વાદળ,
                      દીસે કાળા ભમ્મર વરસવા કાજે.
                                            …….મધુર પવનની મીઠી.
ઉમંગ આવે માનવ મનને,ખેડુતને ખેતરમાં જઇને
વરસે તેની રાહએજોતા,સદા મેધને વિનવી લેતા
ફળફુલને અનાજ કાજે,વરસે જગમાં અષાઢ આવે
કુદરતની આકૃપા અનેરી,શ્રધ્ધામાં એ ઉમંગ લાવે
                                             …….મધુર પવનની મીઠી.
વાદળનો ગગળાટ સાંભળી,વિજળીના ચમકાટ નીરખે
મંદ પવનની મીઠી લહેર,જીવ જગતમાં આનંદ આવે
મળતી માયા મેઘરાજની, ને પવન દેવનો પ્રેમ મળે
લીલોતરીની લહેર મળે,જ્યાં વરસાદી વેળા મળી રહે
                                               …….મધુર પવનની મીઠી.

=============================

                                પારકુ ધન

તાઃ૩૦/૬/૨૦૦૯                પ્રદીપ બ્રહ્મભટ્ટ

અશોકભાઇની લાડલીદીપલ ને સરોજબેનની વ્હાલી
જુન ૩૦ની મંગળ સાંજે દીકરી  સંસારની રાહે ચાલી
                                ………અશોકભાઇની લાડલી.
પ્રેમ મેળવી માબાપનો,લાડલી વૈભવની એ બહેન
સુખદુઃખની આ સાંકળમાં, પ્રભુ સદા રાખે  હેમખેમ
મળતો સ્નેહ સગાવ્હાલાનો ત્યાં પ્રેમાળ જીવનથાય
ભણતરનીસીડી પકડીત્યા ઉજ્વળજીવનજીવતીજાય
                                 ……. અશોકભાઇની લાડલી.
રમેશલાલ કહે એ મારીદીકરી, દક્ષા પ્રેમે કહે અમારી
દીપલ છે એવી પ્રીતવાળી,  લાડલી સૌની થઇ ગઇ 
આશીર્વાદ રમા પણ આપે,રાખી દીપુનિશીતને સંગ
રવિનુ પણ હૈયુ હરખાય, જુએ કલ્પેનકુમાર નો પ્રેમ
                                   ……..અશોકભાઇની લાડલી.
૧૯૮૫માં માર્ચની ૨૨તારીખે,દીપલ જન્મી પેટલાદમાં
દીપલ નામ મેળવ્યુ જગત પર,ને દીપ બની પ્રકાશે
માબાપના પ્રેમની વર્ષાએ સદા જીવ આનંદે મલકાય
પ્રેમેઆશીશ પ્રદીપ દે જ્યાં દીપલ પારકુધન થવાજાય
                                     …….અશોકભાઇની લાડલી.

ૐૐૐૐૐૐૐૐૐૐૐૐ(ં)ૐૐૐૐૐૐૐૐૐૐૐૐ

           ચી.દીપલ આજે વિવાહના બંધનમાં ચી.કલ્પેનકુમાર સાથે
બંધાઇ તે નિમિત્તે પુ. જલારામબાપા અને પુ. સાંઇબાબાને પ્રાર્થના
સહિત વિનંતી કે ચી.દીપલ તેના લગ્નજીવનમાં સદા સુખીરહે અને
તેનુ તથા પરિવારનું સર્વ રીતે રક્ષણ થાય તેવા આશીર્વાદ સહિત.

પ્રદીપ બ્રહ્મભટ્ટ તથા પરિવારના જય જલારામ
તાઃ૩૦/૬/૨૦૦૯.(હ્યુસ્ટન.)

================================

                         આજની તારીખ

તાઃ૫/૬/૨૦૦૯                પ્રદીપ બ્રહ્મભટ્ટ

મસ્ત મઝાનો દિવસ,ને કુદરત પણ હરખાય;
   જન્મદીન ભઇ મારો, જે આજે છે  ઉજવાય.
                          …….મસ્ત મઝાનો દિવસ.
૫/૬/૦૯ આજની તારીખ,જે આવે જગે એકવાર
૫/૬/૪૯ એ મારી તારીખ,જે જન્મદીન  કહેવાય
અકળલીલા અવિનાશીની,ના પામી એમ શકાય
આવેજગમાં એકજ વાર,તોય યાદગાર બનીજાય
                               …….મસ્ત મઝાનો દિવસ.
સ્નેહ મળ્યો મને સ્નેહીઓનો, જે માપી ના શકાય
મિત્રતાના વાદળ પણ ઘેરા,જે મને ઘેરી જ જાય
શીતળ સ્નેહને  ઉજળો પ્રેમ,જે હ્યુસ્ટનમાં  લહેરાય
મને મળેલ માનવપ્રેમ,નાતેની કિંમતકોઇ અંકાય
                               …….મસ્ત મઝાનો દિવસ.
વંદન ચરણે જલાબાપાને,પ્રભુકૃપા મેળવવા આજ
સાંઇબાબા મને સ્નેહ દેજો,કરજો આજીવનુ કલ્યાણ
ભક્તિ પ્રેમથી રમા કરે,ને રવિ પણ દર્શને હરખાય
દીપલ,નીશીત લાગેપાયે,જે જીવનેકલ્યાણે લઇજાય
                                …….મસ્ત મઝાનો દિવસ.

++++++++++++++++++++++++++++++++++++++

                खुरशीकी सलामती

ताः५/३/१०७४                 प्रदीप ब्रह्मभट्ट

हमतुम एक कमरेमे बंधहो, और चाबी खोजाय
तेरे कामोकी भुलभुलैयामें,सब चोरी छुप जाय
                              ……हमतुम एक कमरेमे.
आगे हो नर्मदा योजना (बाबा मुझे डरलगताहै)
पीछे हो सरकार विसर्जन(हं मुझे क्युडरा रहेहो)
हम ही क्यो पर उससे डरेंगे….(२)
हमतुम एक रस्तेसे गुजरे और पुलीस आजाय.
                               ……हमतुम एक कमरेमे.
हमपेकोइ दमनकरेतो,उसको क्योहम जींदाहीछोडे
चाहेंगे हम लोकशाही,हो जाये हम युही अपराधी
चाहे कोइ नेता हो या पुलीस…(२)
हम तुम सामने ही रहेंगे,और चोर भाग जाय.
                            ……हमतुम एक कमरेमे.
जीयेंगे हम कैसे रहेगे,जायेंगे नहींतो क्या करेंगे
क्याहोगा कलचुंटणीहोजाये,झुठेकाकोइकामनाआये
सोचो कभी हमही आ जाये..(२)
तुमको मै राही कहुंगा,साथ मेरे तुम आ जाना
                              ……हमतुम एक कमरेमे.

+++++++++++++++++++++++++++++++++

                 વાળની કરામત

તાઃ૩૦/૫/૨૦૦૯                   પ્રદીપ બ્રહ્મભટ્ટ

આવતા જેને વાર લાગે,પણ જતા ના લાગે વાર
કાળાહોય ત્યારે સુંદરલાગે,ધોળા થતાંમન દુભાય
જેનીજગતમાં થાયમરામત,તેવી વાળનીકરામત
                   …… ભઇ તેને વાળની કરામત કહેવાય.
બાળપણમાં બાળકબુધ્ધિ પણ વાળનીવૃધ્ધિ થાય
આવેમાથે જ્યાં વાળ નાના,મા પાંથી પાડતીજાય
તેલ દીવેલનો સહવાસ મળે ત્યાં વાળ માથે થાય
                      ……..જે જોઇ માતા ખુબ પ્રેમે હરખાય.
જુવાનીના જોશમાં વાળની સ્ટાઇલ પણ બદલાય
પાંથીજાય સાઇડમાંને માથે ગુચ્છો મોટોથઇ જાય
ઉભરો આવતા જુસ્સામાં વાળને કાતરથી કતરાય
                       ……આ તો જુવાની નો જુસ્સો કહેવાય.
પચીસ,પાંત્રીસથી આગળચાલતા ઉંમરવધતીજાય
પોષણ આપતા ઘણા પ્રકારે તોય વાળ ખરતાથાય
બાળપણ પછી જુવાની વટાવી હવે માથે ટકલી થઇ
                   ……..ઉંમરની સાથે વાળની કરામત ભઇ.

——————————————————

                      પુનમનો ચાંદ

તાઃ૧૫/૪/૨૦૦૯              પ્રદીપ બ્રહ્મભટ્ટ

શીતળ પવન ને શીતળ વાયરો
                         પ્રભુ કૃપાએ મળી જાય
માનવ જીવનમાં ઉજાસ દેવા
                          પ્રભુ કૃપા આવી જાય.
                          …..શીતળ પવન ને શીતળ.
ચાંદાની શીતળતાને માણીએ
               ને સુરજના કિરણ તપવી જાય
કેવી અજબ લીલા કુદરતની
              દીવસ અને રાત વરતાઇ જાય.
                         ……શીતળ પવન ને શીતળ.
માનવ જીવે અહેસાસ મળે
             ને શીતળતાની કૃપા મળી જાય
મહેનત સાચા મનથી કરતાં
           તપનથી સદા જીવન છે મહેંકાય.
                        …….શીતળ પવન ને શીતળ.

=====================================