ટેબલ ખુરશી
ટેબલ ખુરશી
તાઃ૧૨/૮/૨૦૦૯ પ્રદીપ બ્રહ્મભટ્ટ
ટાય બાંધી પહેરણ પર, ને હાથમાં રાખ્યો રુમાલ
બુટ પહેર્યા ચાલવા માટે,ને ખીસ્સામાં રાખી પેન
……..ટાય બાંધી પહેરણ પર.
ઇસ્ત્રીવાળા કપડાં પહેરી,નાંખવા નીકળ્યો અરજી
માનનો મોભો ને ડોક ઉંચી, આંખો પણ કતરાય
નીચેના થોડુંય જોતા, અચાનક ખાડામાં પડાય
ના કોઇએ જોયો મને,ના ચારેબાજુ કોઇ દેખાય
……..ટાય બાંધી પહેરણ પર.
ટેબલના ચાર પાયા,ને ખુરશીને પણ પાયા ચાર
ના ખ્યાલરહ્યો અહીં આવીને,કે ના બેપગે દોડાય
લાડી મારી ઘેર રહી છે,પણ ગાડી જ્યાં ત્યાં જાય
ટેબલ ખુરશી શોધતામને,મળ્યા લારીનાપૈડાચાર
……..ટાય બાંધી પહેરણ પર.
કાર્ટ ખેંચતા કૉલર છુટ્યા, ને ઇસ્ત્રી પણ દોડી ગઇ
પેન્ટશર્ટ તો ભુલાઇ ગયા,ટીશર્ટ જીન્સ મળ્યાઅહીં
માથે ટોપી પણ આવીગઇ,જાણે જોકર સર્કસ મઇ
અંત એવો આવી ગયો અહીં,ને નોકરી મળી નહીં
……..ટાય બાંધી પહેરણ પર.
===================================