લગામ
લગામ
તાઃ૧૨/૮/૨૦૦૯ પ્રદીપ બ્રહ્મભટ્ટ
લગામ,લાકડીનો સંબંધ અનેરો હાથમાં આવી જાય
એક જ રાહે ચાલી જાણે,જગમાં જીવન ઉજ્વળથાય
………..લગામ,લાકડીનો સંબંધ.
લગામ જ્યાં ઘોડાને બાંધી,ત્યાં સીધી રાહે જ જાય
સફળતાના સોપાન ચઢે,જ્યાં એ હાથમાં જ દેખાય
સરળતા અને સિધ્ધી તણા, માર્ગે સીધા જ એ જાય
ના આવે કોઇ ઓટ મધ્યે,મંજીલે એ પહોંચી જ જાય
………..લગામ,લાકડીનો સંબંધ.
લાકડીનો જ્યાં મળે સહારો,ત્યાં સીધી રાહે જ જાય
હાથમાં જ્યાં એ બને ટેકો,ત્યાં પગદંડી પણ કપાય
ઉગામતા જો વાર નાલાગે,તો મળી જાય અણસાર
ના અટકણ કોઇ આવે રાહે,કે ના પગ લટકી જાય
………..લગામ,લાકડીનો સંબંધ.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-