પ્રદીપકુમારની કલમે…

                            ભક્તિ કેરી ચાવી      

તાઃ૫/૧૨/૨૦૦૮                               પ્રદીપ બ્રહ્મભટ્ટ

હું આવી ઉભો છુ દ્વાર તમારે ,લઇ ભક્તિ કેરી ચાવી
પ્રેમભાવના લેજો સ્વીકારી,કરજો ઉજ્વળ જીંદગીમારી
                  …….ઓ જલારામ બાપા,ઓ વ્હાલા સાંઇબાબા.

મનથી માળા રોજ કરુ છુ,ને સવાર સાંજ ધુપ દીપ
ભક્તિ હરપળ સંગે રાખી,રાખુ છુ પ્રભુ રામથી પ્રીત
શ્રધ્ધારાખી સ્મરણકરુ જ્યાં,લાગે ઉજ્વળ જીવનદીપ
મુક્ત જીવનેજ્યાં મળે શાંન્તી,ત્યાંછુટે જગતની રીત
                 …….ઓ જલારામ બાપા,ઓ વ્હાલા સાંઇબાબા.

સાચા સંતથીમળી દ્રષ્ટિજ્યાં,મોહમાયા થયા વિદાય
ના લાલચ કે લોભ મને, ભક્તિ મનને વરી કહેવાય
બાબાની જ્યાં કૃપા મળે, ને મળે જલાબાપાનો પ્રેમ
સાધુઓનો ના સાથ જોઇએ કે ના મોહ ભરેલા મંદીર
                 …….ઓ જલારામ બાપા,ઓ વ્હાલા સાંઇબાબા.

સંસાર સમાગમ સાથેહતો,તોય પ્રભુની મળીછે પ્રીત
સંતાનનો સહવાસ રાખીને,ભક્તિ મળી જીવને નીત
ના ભેખ લીધો કે ના જીદ,તોયમળી સાચી પ્રભુપ્રીત
સાચી રાહ મળે જીવનમાં,ના જીંદગી બને ભયભીત
                …….ઓ જલારામ બાપા,ઓ વ્હાલા સાંઇબાબા.

——————————————————-