સમયની સાથે
સમયની સાથે
તાઃ૧૦/૧/૨૦૧૧ પ્રદીપ બ્રહ્મભટ્ટ
અજબ શક્તિ એ જગતની,જે પરમાત્મા કહેવાય
મળી જાય જો થોડી કૃપા,ભવસાગર તરી જવાય
……….અજબ શક્તિ એ જગતની.
ઉંમરના અડકે ભક્તિને,તેને સમજણ તેડીજ જાય
થઈ જાય છેસાચી શ્રધ્ધાએ,ત્યાં પાવન કર્મ થાય
સંસ્કાર તોછે આશીર્વાદની મુડી,નસીબે મળી જાય
સમય સમજીને ચાલતાં,આ જન્મ સફળ થઈ જાય
……….અજબ શક્તિ એ જગતની.
કેડી જીવનને મળે ભણતરથી,જે ગુરૂકૃપાએ લેવાય
શ્રધ્ધાથી કરતા મહેનતે,તો ભવોભવ તરી જવાય
પુણ્યની પોટલી મળી જતાં,જન્મ મરણ છુટી જાય
નાસંબંધ રહે આગળપાછળનો,ત્યાં મુક્તિમળીજાય
……….અજબ શક્તિ એ જગતની.
++++++++++++++++++++++++++++++