ગુણગાનની પ્રીત
ગુણગાનની પ્રીત
તાઃ૧૧/૧/૨૦૧૧ પ્રદીપ બ્રહ્મભટ્ટ
ગજાનંદના ગુણગાન ગાતાં,હૈયે અનંત આનંદ થાય
મંગળવારની શાંત પ્રભાતે,મારું જીવન ઉજ્વળ થાય
………..ગણેશજીની ભક્તિ પ્રેમે થાય.
પ્રભાતના પહેલા સુર્ય કિરણે,ગંગાજળથી અર્ચના થાય
કંકુ ચોખાથી વધાવી શ્રી ગણેશજીને,ધુપ દીપથી પુંજાય
માયા મોહના બંધન તુટતાં,દેહથી કર્મ સાર્થક પણ થાય
ગજાનંદની એક દ્રષ્ટિએ,પ્રદીપનો જન્મ સફળ થઇ જાય
………..ગણેશજીની ભક્તિ પ્રેમે થાય.
ૐ ગં ગણપતયે નમઃ શબ્દથીજ,ઘર પાવન થઈ જાય
ભોળાનાથની કૃપા વરસતાં,જીવના મુક્તિ દ્વાર ખોલાય
માતા પાર્વતીનોપ્રેમ વરસતા,સૌ રાહ પાવન મેળવાય
આશીર્વાદની પળ સચવાતા,આ જન્મ સફળ થઈ જાય
………..ગણેશજીની ભક્તિ પ્રેમે થાય.
===========**************===========