લાંબી કેડી
લાંબી કેડી
તાઃ૧/૩/૨૦૧૨ પ્રદીપ બ્રહ્મભટ્ટ
જાગતો રહેજે માનવી જીવનમાં,
નહીં તો માયા વળગશે આજ
માનવ જીવન વ્યર્થ બનતાં,
જીવને થઈ જાય અવનીએ સાથ
. ………………..જાગતો રહેજે માનવી.
આંગળી ચીંધી અણસાર મળે,
જે મનથી સમજનારને સમજાય
ડગલું ભરતાં સમજી ચાલતાં,
દેહને નાઆધી વ્યાધી અથડાય
…………….જાગતો રહેજે માનવી.
સંગ થયો જ્યાં માયાનો દેહે,
આફતો આવીને મળી જ જાય
સમજ વિચારને ઢાંકી રાખતાં,
જીવની કેડીઓ બંધાતી જાય
………………જાગતો રહેજે માનવી.
ડગલું ભરતાં મનથી વિચારે,
એ જ સમજણ સાચી કહેવાય
આફતનો અણસાર મળે જીવને,
પણ નાઆફત કોઇ મળી જાય
……………..જાગતો રહેજે માનવી.
===================================