વ્હાલા સંતાન
નિરખી જેને મનડું મારું નિસદીન છે મલકાય
દૂર મુજથી થોડું જાતા ત્યાં આંખો આંસુથી છલકાય
એવા વ્હાલા છે સંતાન મારા વ્હાલા છે સંતાન.
માયા મુજને લાગી એવી જેની વાત મુજથી ન કહેવાય
દીલમાં જેનું સ્થાન છે એવા પ્યારા વ્હાલા છે દેખાય
એવા વ્હાલા છે સંતાન.
રોજ સવારે ઉઠતાં જેનું મુખડું હસતું છે દેખાય
જયજલારામ કહેતા રવિનું મુખડું હંમેશા મલકાય
એવા વ્હાલા છે સંતાન.
પ્રેમ ભાઈનો મેળવતાં બહેન દિપલ પણ હરખાય
ભાઈબહેનના હેતને જોઈને અમારા મનડા ઠરી જાય
એવા વ્હાલા છે સંતાન.
જ્યોત પ્રેમની અમે પ્રગટાવી નિરખી રાજી થાજો
મળેલા સગપણને સાચવી ભવોભવ તરી જાશો
એવા વ્હાલા છે સંતાન.
પ્રભુભક્તિને સાથે રાખી ભણતર છે જીવનનું ચણતર
આદરમાન તો સૌ કોઈને દેતા પ્યાર બાળકોનો લેતા
એવા વ્હાલા છે સંતાન.
છે અમારો સતત પ્રયત્ન સંભાળે સંસ્કારોને હરપળ
માયામોહને રાખી દૂરજ વળગી રહે એ ધ્યેયે જીવનના
એવા વ્હાલા છે સંતાન.
પ્રભુભક્તિનું શરણું અમારે ભક્ત જલાની લગની અમને
દાદા વ્હાલા પ્રદીપ રમાને તેથી માયા ન અમને છે વળગી
એવા વ્હાલા છે સંતાન.
———-