ઉડેલા તણખલા
ઉડેલા તણખલા
તાઃ૨૦/૧૨/૨૦૦૮ પ્રદીપ બ્રહ્મભટ્ટ
કદી સામુ તો જુઓ નૈનોમાં નૈન મેળવી તો જુઓ
મળી જશે મહેંક જીવનની કદીક માણી તો જુઓ
ના ના કહેતા હતા જ્યારે જ્યારે મુલાકાતો થઇ
મનની માગણીઓ મનમાં રહી ના કહેવાઇ કોઇ
જતા જતા મને કહેતા ગયા આજ મારો વારો છે
ના સમજાયા શબ્દો કે અણસાર કાલ મારો વારો છે
માની લીધા મનથી પણ ના અણસાર કોઇ મેં કર્યો
વીતી ગઇ પળ આજ જેનો મને ભણકાર મળ્યો
કદીક મનની મુઝવણ મનથી નીકળી પણ જતી
જીવનની કીમતી પળોમાં સાથ મને એ દઇ જતી
માયા મારી મમતા મારી મારી મારી કહેવાઇ ગઇ
છુટે નહીં આ બંધન જેથી મનમાં મોટાઇ જડાઇ રહી.
————————————————–