ન્યારી કેડી
. . ન્યારી કેડી
તાઃ૭/૧/૨૦૧૩ પ્રદીપ બ્રહ્મભટ્ટ
સમજણ સાચી સાચવી ચાલતાં,જીવન નિર્મળ થાય
ઉજ્વળતાના વાદળઘેરાતા,આજન્મસફળ થઈ જાય
. ………………..સમજણ સાચી સાચવી ચાલતાં.
લાકડીને પકડી ચાલતો માનવી,ડગલાને નિરખી જાય
ના તકલીફની કેડી મળે,જ્યાં ડગલુ સંભાળીને ભરાય
સમજણનો સંગાથરહેતાં,જીવને ન્યારી કેડી મળી જાય
અજબ કૃપા અવિનાશીની,જે માનવીને સમયે સમજાય
. ………………….સમજણ સાચી સાચવી ચાલતાં.
મનથી મહેનત ભણતરમાં કરતાં,સોપાન મળતા જાય
સફળતાના સોપાન મેળવતા,જ્ઞાન જ્યોત પકટી જાય
લાયકાત પારખી રાહ મળતા,ઉજ્વળ જીવન થઇ જાય
મળે માન અને સન્માન જગે,એ જ ન્યારી કેડી કહેવાય
. …………………સમજણ સાચી સાચવી ચાલતાં.
==================================