મીઠી નજર
મીઠી નજર
તાઃ૧૯/૪/૨૦૧૧ પ્રદીપ બ્રહ્મભટ્ટ
પડે નજર જ્યાં પ્રેમની દેહે,ત્યાં પાવન કર્મજ થાય
મળી જાય કૃપા પ્રભુની,જ્યાં મીઠી નજર પડી જાય
………..પડે નજર જ્યાં પ્રેમની દેહે.
પ્રેમ પામવા જગમાં બધે,આ દેહ ચારે કોર લોભાય
અન્નની મળે કૃપા જગતમાં,સ્વાભીમાન ભાગી જાય
નશ્વર દેહની આ વ્યાધી મોટી,ના કોઇથી એ છોડાય
રાજા રંક કે સાધુ સંત દેહે,સૌનેય એ સ્પર્શી જ જાય
…………પડે નજર જ્યાં પ્રેમની દેહે.
પ્રભુપ્રેમની જ્યાં શક્તિમળે,નાદેહને કદી દુઃખ થાય
શ્રધ્ધારાખી દ્રષ્ટિ કરતાંજ,સૌ જગતમાં સમજી જાય
મળે પ્રેમની વર્ષાદેહને,ત્યાં સાર્થક જન્મ આ દેખાય
મીઠીનજર મહેંકાવે જીવનને,ના સૌથી એ મેળવાય
………….પડે નજર જ્યાં પ્રેમની દેહે.
================================