આગળ કે પાછળ
. આગળ કે પાછળ
તાઃ૨૨/૩/૨૦૧૨ પ્રદીપ બ્રહ્મભટ્ટ
આગળ આવતી કાલ છે,અને પાછળ ગઈ ગઈકાલ
સમજી વિચારી ચાલતાં આજે,ભુતકાળ ભુલાઇ જાય
. ………………..આગળ આવતી કાલ છે.
ઉંમરના પકડાય કોઇથી, કે ના કદી કોઇથીય છટકાય
કુદરતની આ સરળ છે લીલા,ના કોઇનાથીય પકડાય
માનવ મનને મહેંક મળે,જ્યાં વાણી વર્તનને સચવાય
ઉજ્વળ આવતી કાલ મળે,ને ના અપેક્ષા ક્યાંય રખાય
. ………………..આગળ આવતી કાલ છે.
ભુતકાળના બ્રહ્મમાં રહેતાં,સુખ સાગર છટકી જ જાય
દુઃખના વાદળ વરસતા દેહે,જીવનમાં ત્રાસ મળી જાય
પ્રભાત પારખી પુંજન કરતાં,જેમ દીવસ ઉજ્વળ થાય
આવતીકાલનો વિચાર લેતાં,દેહે ભુતકાળ ભુલાઇ જાય
. ……………………આગળ આવતી કાલ છે.
======================================