પવિત્ર આઠમ
. .પવિત્ર આઠમ
તાઃ૧૨/૧૦/૨૦૧૩ પ્રદીપ બ્રહ્મભટ્ટ
માડી તારા ચરણમાં રહેતા,જીવને ભક્તિભાવ મળી જાય
આસો માસની પવિત્ર આઠમે,માતાની પુંજા પ્રેમથી થાય
. ………………….માડી તારા ચરણમાં રહેતા.
નિર્મળ ભાવથી અર્ચન કરતાં,માતાના પગલાને પુંજાય
શ્રધ્ધારાખી જ્યોત પ્રગટાવતા,માતાનાઝાંઝર સંભળાય
ગરબે ધુમતા તાલ મળે,જે માનવ જીવન મહેંકાવી જાય
આંગણે આવી કૃપાવરસતા,મળેલ જન્મસફળ થઈ જાય
. …………………..માડી તારા ચરણમાં રહેતા.
માડી તારી અજબલીલા છે,ના અવનીએ કોઇથી સમજાય
ભક્તિમાર્ગના દ્વારે આવતા જીવનમાં,સાચીરાહ મળી જાય
પવિત્ર તહેવારને સમજી લેતા,જીવને મુક્તિમાર્ગ સમજાય
કુદરતની આઅજબલીલા,શ્રધ્ધાભક્તિએ જીવને મળીજાય
. ……………………..માડી તારા ચરણમાં રહેતા.
====================================