ઓ રામ..
ઓ રામ..
પ્રદીપ બ્રહ્મભટ્ટ
દુઃખમાં હું આજ ફસાયો, કરું વિનંતી આજ
મારું આ જગમાં નથી કોઇ,સુણજે મારીવાત
મારા રામ પ્રભુજી મને તારો છે,
મને તારો એક સહારો ઓ રામ ઓ રામ.
જગમાં ફરીને થાક્યો,તારા શરણમાં હું આવ્યો
મને તારી છે અભિલાષા,હું છુ પામર મરનારો
..ઓ રામ ઓ રામ મને તારો એક સહારો.
તારા વિના હું ભુલી ગયો છું,સુખશૈયાની વાતો
દુઃખ સાગરમાં હું ખોવાયો, મારે ક્યાં છે આરો
..ઓ રામ ઓ રામ મને તારો એક સહારો.
અંતર તરસે,મન પણ મલકે,કૃપા પામવા તારી
અંધકાર મયી,આ અવની પર,પ્રકાશ પામુંતારો
..ઓ રામ ઓ રામ મને તારો એક સહારો.
મલકી રહ્યુંછે મનડું પ્રદીપનું,આશ થોડી છેમને
ભટકી રહેલા ભવસાગરમાં, લો પકડોમારો હાથ
..ઓ રામ ઓ રામ મને તારો એક સહારો.
ઁઁઁઁઁઁઁઁઁઁઁઁઁ