બુધ્ધિની શોધ
બુધ્ધિની શોધ
તાઃ૨૮/૨/૨૦૦૯ પ્રદીપ બ્રહ્મભટ્ટ
બે આના લઇ લેવા નીકળ્યો,
ભઇ બુધ્ધિ ક્યાં મળે વેચાતી;
જોઇએ મારે ચોખ્ખીને સારી,
ના કરવી મારે ભઇ બરબાદી.
…….ભઇ ના કરવી બરબાદી.
મોજો એક હતો હાથમાં મારા,
ને બીજો પહેરેલ હતો પગે;
શોધુ ઘરમાં બુમ પાડતો,
ક્યાં ગયો અલા બીજો મોજો.
…..બે આના લઇ લેવા નીકળ્યો.
પેન પાકીટને મુકી ખીસામાં,
શોધુ ક્યાં ગયો મારો રુમાલ;
ઘણી ચિંતા પતી મળી ગયો એ,
ત્યાં મને સમજાઇ ગઇ કમાલ.
…..બે આના લઇ લેવા નીકળ્યો.
લેવુ મારે પેન્ટ ને શર્ટ વચ્ચે ઘુમુ,
મળતુ કેમ નથી ક્યારનો છુ શોધુ;
પુછતાં પુછતાં ખબર પડી કે,
જ્યાં ત્યાં ઉંધે જ પગ હું મુકુ
…..બે આના લઇ લેવા નીકળ્યો.
==============================================