સરસ્વતી સંતાન
સરસ્વતી સંતાન
તાઃ૧૨/૫/૨૦૧૧ પ્રદીપ બ્રહ્મભટ્ટ
કલમ કેરી કેડી મળતાં,મન અહીંતહીં ના ભટકાય
ઉજ્વળ ભાવના રાખી લખતાં,સૌ વાંચીને હરખાય
…………કલમ કેરી કેડી મળતાં.
લાયકાત મળે નામોહ માયાથી,કે દેખાવે કંઇ થાય
કલમની મીઠી કેડી ન્યારી,જે માકૃપાએજ મેળવાય
શીતળ સ્નેહ મળે સૌને,જ્યાં કલમધારી મળી જાય
ઇર્ષા આગની જ્યોત જલે,પણ નાકોઇથીય બોલાય
…………કલમ કેરી કેડી મળતાં.
સરસ્વતીની કૃપા સંતાનને,જે શ્રધ્ધાએજ મેળવાય
પ્રેમભાવના પકડી ચાલતાં,સ્નેહીનોસંગ મળી જાય
વાણી નિખાલસ સ્નેહ હ્રદયથી,જીવન પ્રેમાળ થાય
હસીખુશીની સંધ્યા મળતાં,સ્નેહી સંતાનો મળીજાય
…………કલમ કેરી કેડી મળતાં.
===============================