પ્રદીપકુમારની કલમે…

………………….. આફતોની વર્ષા

તાઃ૧૬/૨/૨૦૧૨ ………………..પ્રદીપ બ્રહ્મભટ્ટ

જરૂરથી વધારે મળતાં જીવનમાં,ઝંઝટ વધતી ગઈ
સાચવણીની સમજ ના પડતાં,મોંકાણો મળતી ગઈ
. …………………………………..જરૂરથી વધારે મળતાં જીવનમાં.
મોહમાયાના વાદળ વળગતાં,ના સમજણ સાચી થઈ
જે આવે તે માગણી કરતાં જ,બુધ્ધિ નેવે મુકાઇ ગઈ
આ જોઇએ કે તે જોઇએ પ્રેરાતા,મનમાં મુંજવણ થઇ
અંતેકાંઇ સમજ ના આવતાં,આફતોની વર્ષા થઈગઈ
. ………………………………….જરૂરથી વધારે મળતાં જીવનમાં.
લાલચલોભ મનમાંજાગે,મનની સમજણ ત્યાંથી ભાગે
એક કદમને ના સાચવતાંજ,બીજે પડતાં થાપડ વાગે
સમય સાચવી આંગળીને પકડતાં,શાંન્તિને સચવાતી
કૃપાનીચાદર ઓઢતાંજીવને,સંસ્કારે શીતળતા મળતી
. …………………………………જરૂરથી વધારે મળતાં જીવનમાં.

………………………… સાગરદીલ

તાઃ૧૫/૨/૨૦૧૨……………….. પ્રદીપ બ્રહ્મભટ્ટ

સાગર જેવુ દીલ રાખતાં,પ્રેમની નદીઓ મળી જાય
ના અપેક્ષા ના માગણી રહે,સુખ શાંન્તિ આવી જાય
……………………………….. ………..સાગર જેવુ દીલ રાખતાં.
શીતળ સવાર મળે જીવને,ત્યાં પ્રેમ ભાવ મળી જાય
મોહમાયાના વાદળ છુટતાં,પામરજીવન સાર્થક થાય
સાચીરાહ મળેજીવને,જ્યાંપ્રેમ જલાસાંઇનો મળીજાય
અનંતકોટી પરમાત્માનીકૃપા,માનવદેહ પર થઈજાય
……………………………… …………સાગર જેવુ દીલ રાખતાં.
સંતાનનો સ્નેહ મળે માબાપને,ને પતિનો મળે પત્નીને
ભક્તિનોસંગ રાખીચાલતાં,દેહની અજ્ઞાનતા ભાગીજાય
માગણી નારહે કોઇ અવનીએ,જ્યાં ઇશ્વરની કૃપા થાય
સાચીરાહની સાંકળ મળતાં,ના મોહમાયાનો સંગ થાય
…………………………….. …………સાગર જેવુ દીલ રાખતાં.

%%%%%%%%%%%%%%%%%%%%%%%%%%%%

……………….શક્તિ ભક્તિની

તાઃ૧૪/૨/૨૦૧૨ ………………. પ્રદીપ બ્રહ્મભટ્ટ

શક્તિ મારી ભક્તિની છે,જીવને સદગતિએ દઈ જાય
માનવી જીવન સાર્થકકરવા,સાચી પ્રેરણા આપી જાય
……………………………………………શક્તિ મારી ભક્તિની છે.
નિર્મળમોહ ને પ્રીતપ્રભુથી,જે પાવનપગલાં દઈ જાય
આધી વ્યાધીને આંબી ચાલે,એજ ભક્તિપ્રીત કહેવાય
સમજણ સાચી શ્રધ્ધાથી આવે,ને મતીય ના ભટકાય
શક્તિનોસહવાસ રહેજીવનમાં,નિર્મળભાવના મેળવાય
……………………………………………શક્તિ મારી ભક્તિની છે.
કરેલ કામની માયા મુકતાં,સફળતા જીવનથી સંધાય
જલાસાંઇની સાચી ભક્તિએ,નિર્મળપ્રેમ જગે મેળવાય
ભક્તિની શક્તિ છે નિરાળી,જગતનેય એ આંબી જાય
સંકટનો નાસંકેત મળેદેહને,જીવને પ્રભુકૃપામળી જાય
……………………………………………શક્તિ મારી ભક્તિની છે.

==========================================

…………………..સંતોષની કેડી

તાઃ૧૩/૨/૨૦૧૨ ……………….પ્રદીપ બ્રહ્મભટ્ટ

જીવનમાં ઝળહળતા મેળવી,જગતમાં માનવમન મલકાય
ઉજ્વળ જીવનની રાહ મળે,જ્યાં સંતોષની કેડીને મેળવાય
…………………………………………..જીવનમાં ઝળહળતા મેળવી.
બાળપણને બચાવી લેતાં,જીવને માબાપનોપ્રેમ મળી જાય
નિર્મળ રાહની કેડી મેળવવા,વડીલના વરદાન મળી જાય
ભણતરને પામવા મહેનત સંગે,સાચી શ્રધ્ધાને જ પકડાય
મળીજાય મનને શાંન્તિ જીવનમાં,જે સંતોષની કેડીકહેવાય
…………………………………………..જીવનમાં ઝળહળતા મેળવી.
આવીઆંગણે મળે પ્રેમ સૌનો,જે મેળવતાં સંગીઓ હરખાય
સાચી મુડી જીવનમાં મળતાં,માબાપના હૈયા ખુબ મલકાય
માગણીની ના રહે કોઇ ભાષા,કે ના કોઇ લોભ પણ દેખાય
સુખશાંન્તિને સમૃધ્ધિ મળતાં,મળેલ જન્મ સફળ થઈ જાય
…………………………………………..જીવનમાં ઝળહળતા મેળવી.

++++++++++++++++++++++++++++++++

………………….વસંતના વધામણા

તાઃ૧૩/૨/૨૦૧૨ …………………પ્રદીપ બ્રહ્મભટ્ટ

શાંન્તિનો સહવાસ મળે જીવનમાં,ને દેહ પણ ઉજ્વળ થાય
વસંતને વધામણા દેતા અંતરથી,કુદરતની કૃપા થઈ જાય
……………………………………………..શાંન્તિનો સહવાસ મળે જીવનમાં
નિર્મળ ભાવનાને ભક્તિ સંગે,જીવનમાં માનવતા મહેંકી જાય
આંગણે આવી મળે પ્રેમ સૌનો,જે જીવને પવિત્રરાહ દઈ જાય
મોહ માયાના વાદળ છુટે,ને જીવે જલાસાંઇની કૃપા થઈ જાય
ભક્તિ પ્રેમનો સંગ મળે જીવને,જ્યાં વસંતના વધામણા થાય
……………………………………………..શાંન્તિનો સહવાસ મળે જીવનમાં.
મહેર પ્રસરે અવનીએ પરમાત્માની,ત્યાં સ્વર્ગસુખ મળી જાય
મંદવાયરે મહેંક મળે જીવનમાં,જે સાચા ભક્તિભાવે મેળવાય
સુખદુઃખની ચાદરને છોડવા જીવે,વસંતનાવધામણા થઈજાય
ઉજ્વળકેડી જીવનમાંમળતાં,સાચુ સંસારીસુખ પણ મળી જાય
………………………………………………શાંન્તિનો સહવાસ મળે જીવનમાં.

=========================================

                 જયશ્રી રામ

તાઃ૧૧/૨/૨૦૧૨                  પ્રદીપ બ્રહ્મભટ્ટ   

ભક્તિપુરને પકડી ચાલતાં,જીવને રાહ મળી જાય
કૃપાની કેડી પાવન મળતાં,જન્મસફળ થઈ જાય
              ……………….ભક્તિપુરને પકડી ચાલતાં.
ભાવના રાખી ભક્તિ કરતાં,ના આફત કોઇ અથડાય
સાચી ભક્તિની રાહ એવી,જે સંતની  કેડી દઈ જાય
સંસારનો રાખી સહવાસ,જ્યાં અંતરથી ભક્તિ થાય
જલાસાંઇની ભક્તિ નિરાળી,જેને જગતમાં છે પુંજાય
               ………………ભક્તિપુરને પકડી ચાલતાં.
પિતાનો મેળવી પ્રેમ જીવનમાં,દેહે પુત્ર તારણહાર
સીતાજીએ સંસ્કાર સાચવી,પતિનો કીધો સહવાસ
વાણી વર્તનને સાચવી લેતાં,પવિત્ર જીવન થાય
કળીયુગની કેડીને છોડવા,પરચાઓ જગમાં દેવાય
                 …………….ભક્તિપુરને પકડી ચાલતાં.

===============================

…………………..સવાર પડી

તાઃ૯/૨/૨૦૧૨ ……………………..પ્રદીપ બ્રહ્મભટ્ટ

સવાર પડી ભઈ સવાર પડી,ઉઠતાં જીવનમાં પ્રભાત મળી
સુખની સાચીરાહ મળતાં,આવતી ઝંઝટને ભઈ ઝાપટ પડી
. …………………………………………..સવાર પડી ભઈ સવાર પડી.
મનથી પ્રભુનું સ્મરણકરતાં ભઈ,પથારીને મેં અલવિદા કરી
ધરતી માતાને સ્પર્શ કરીને,માની કૃપા અમોએ માણી લીધી
સતકર્મોની કેડીનોસંગ રહેતાં પ્રભાતે,મંદીરની ઘંટડી ખખડી
ઘરમંદીરના દ્વારખોલતાં પ્રેમથી,હાથજોડીને વંદન અમે કર્યા
. ……………………………………………સવાર પડી ભઈ સવાર પડી.
ઉજ્વળ પ્રભાત કિરણની છાયાએ,ઘરનાદ્વારે આગમન લીધા
સોનેરી સહવાસ મળતા સુર્યદેવનો,નમન કરતાં મહેર મળી
જગતપિતાની અજબલીલા,સવારના સંગાથથી અમને મળી
મળીગયો મને પ્રેમ પરમપિતાનો,નાતકલીફ કોઇ અમે દીઠી
. ………………………………………….. સવાર પડી ભઈ સવાર પડી

####################################

…………………….સખીનો સાથ

તાઃ૭/૨/૨૦૧૨ ………………….પ્રદીપ બ્રહ્મભટ્ટ

સખી તારા સહવાસથી,મને મળેલી માયા છુટી ગઈ
સાચી સમજણ મળી જતાં,મારી જીંદગી સુધરી ગઈ
………………………………………સખી તારા સહવાસથી.
નિર્મળ તારો પ્રેમ મળ્યો,ત્યાં માનવતા મળતી થઈ
કદીકકદીકના માયાના વાદળથી,મુક્તિ મળતી ગઈ
સંગ ને તારો સાર્થક લાગ્યો,જ્યાં સમજણઆવી ગઈ
જન્મોજન્મના કર્મ બંધન,જીવથી કડીઓ છુટતી ગઈ
……………………………………….સખી તારા સહવાસથી.
અભિમાનનિ આંગળી છુટી,ને માયા પણ છટકી ગઈ
તારા પ્રેમની કેડી નિરાળી,મારી જીંદગી પાવન થઇ
મર્કટમનને ચાપટપડતાં,જીવનનીરાહ બદલાઇ ગઈ
અતુટબંધન જગનાછુટતાં,તારોઆભાર માનતી થઇ
………………………………………સખી તારા સહવાસથી.

****************************************

………………….આવેલ પ્રેમ

તાઃ૭/૨/૨૦૧૨ ………………….. પ્રદીપ બ્રહ્મભટ્ટ

આંગણે આવી પ્રેમ મળતાં,મારા મનને શાંન્તિ થઇ
કુદરતની કૃપાનુ વાદળ વરસતા,ભક્તિ સાચી થઇ
……………………………………………………આંગણે આવી પ્રેમ મળતાં.
આજકાલનો વિચાર કરતાં,જીવના વર્ષો વિત્યા ભઈ
મનની વિચાર હેલીરહેતાં,પામર માયા વળગી ગઈ
મળશે મળશેની એક લાલચે,આ ઉંમર વધતી ગઈ
ભોલેનાથની ભક્તિ કરતાં,આવેલ પ્રેમ મળ્યો ભઈ
……………………………………………………આંગણે આવી પ્રેમ મળતાં.
શીતળસ્નેહની સાંકળમળતાં,આ જીંદગી સુધરી ગઈ
અપેક્ષાનીકેડી છોડતાં મને જલાની જ્યોત મળી ગઈ
પ્રેમ મળે અંતરનો લાયકાતે,ત્યાં ઝંઝટ ભાગી ગઈ
શ્રધ્ધાનો જ્યાં સાથ મળે,ત્યાંજ પાવન જીંદગી થઈ
……………………………………………………આંગણે આવી પ્રેમ મળતાં.
મળે દેહને જ્યાં સાચીરાહ,ત્યાં જીવને કેડી મળીગઈ
પકડીચાલતાં પળેપળને,ત્યા જલાસાંઇની કૃપા થઈ
સંસારના બંધનને પકડતાં,કર્મના બંધન છુટ્યા ભઈ
ઉજ્વળ જીવનનીકેડી એવી,જે સાચાપ્રેમને લાવેઅહીં
…………………………………………………..આંગણે આવી પ્રેમ મળતાં.

((((((((((((((((((((((((((((((()))))))))))))))))))))))))

…………………સાચો ભક્તિપથ

તાઃ૫/૨/૨૦૧૨………………….. પ્રદીપ બ્રહ્મભટ્ટ

મનમાં રાખી શ્રધ્ધા ભાવના,મનથીપ્રીત પ્રભુથી રખાય
ઉજ્વળ જીવન જીવવાને કાજે,સાચો ભક્તિપથ પકડાય
……………………………………………સાચો ભક્તિપથ પકડાય.
સ્રરળતાનો સહવાસમળે,ને જીવનમાં શાંન્તિ મળી જાય
પ્રેમથી પુંજન અર્ચન કરતાં,જીવ પર કૃપા પ્રભુની થાય
…………………………………………મનમાં રાખી શ્રધ્ધા ભાવના.
મન નિર્મળ ને તન નિખાલસ,ત્યાં માનવી મન હરખાય
મોહ તરછોડી ને માયા મુકતા,અજબ શાંન્તિ મળી જાય
……………………………………….. મનમાં રાખી શ્રધ્ધા ભાવના.
પકડી રાહ ભક્તિની જીવનમાં,સૌ કામ સરળ થઈ જાય
પ્રભુ કૃપાની કેડી નિરાળી,જીવને મુક્તિ માર્ગે દોરી જાય
………………………………………….મનમાં રાખી શ્રધ્ધા ભાવના.
આજકાલની રાહ ન જોતાં,પ્રભુની માળા મનથી જ થાય
જલાસાંઇની દ્રષ્ટિ પડતાં,જીવનીરાહે પુષ્પ પથરાઇ જાય
………………………………………….મનમાં રાખી શ્રધ્ધા ભાવના.
પ્રદીપને હૈયે આનંદ અનેરો,જે સંતની કૃપાએ મળી જાય
મુંઝવણના સૌ માર્ગ ખુલતાં,આ જીવન નિર્મળ થઈ જાય
………………………………………….મનમાં રાખી શ્રધ્ધા ભાવના.

=================================