પ્રેમી જ્યોત
. પ્રેમી જ્યોત
તાઃ૨૦/૧૧/૨૦૧૨ પ્રદીપ બ્રહ્મભટ્ટ
જ્યોત જલીયાણની જીવને અડકે,ના અવનીએ એ જીવ ભટકે
જલાસાંઇની કેડી છે ન્યારી,સૌ જીવોને એલાગે છે અતિ પ્યારી
. ………………..જ્યોત જલીયાણની જીવને અડકે.
જન્મ જીવના બંધન તો કર્મથી,ના જીવ કોઇ છટકે અવનીથી
આવી લીધો જન્મ ધરતીએ,માનવીએ સંગ રાખવો ભક્તિથી
મળી જાય જો મોહનેમાયા,તો પ્રેમી જ્યોત લેજો જલાસાંઇથી
ઉજ્વળ જીવનની રાહ મળતાં,જીવને મળશે જયોત મુક્તિની
. ………………….જ્યોત જલીયાણની જીવને અડકે.
કળીયુગના અંધકારમાં આજે,માનવ મન દેખાવમાં ભટકાય
અંતરની ઉર્મીને રોકતા જીવે,પ્રભુકૃપાએ ઉજ્વળતા છલકાય
મળે પ્રેમ સગા સંબંધીઓનો,જીવનમાં સુખ શાંન્તિ મેળવાય
પ્રેમી જ્યોત મળતા જીવનમાં,અંધકારની વિદાય થઈ જાય
. ………………….જ્યોત જલીયાણની જીવને અડકે.
========================================