પવનની લહેર
પવનની લહેર
તાઃ૩૧/૮/૨૦૦૯ પ્રદીપ બ્રહ્મભટ્ટ
મંદ પવનની લહેર લાવે શીતળતાને સાથ
આવે જીવનમાં દેવાને ઉજ્વળજીવન આજ
…….મંદ પવનની લહેર.
પ્રેમ ભરેલા વાદળ દીસે મન મહેંકવા કાજ
સુર્ય કિરણની ચમક એવી લાવે એક ઉજાસ
સ્પંદન દેતો વાયરો આવે નેહૈયે ટાઠક થાય
મળતી એકલહેર એવી માનવીમન હરખાય
…….મંદ પવનની લહેર.
પ્રભાતની એ કોમળતામાં જીવનમહેંકી જાય
કલરવ ક્યાંક કાને પડતા મધુરમન મલકાય
સુગંધ પુષ્પતણી આવે ત્યાં આંખોછે પલકાય
શબ્દ ના સંગાથ દે કે જે જીભથી કંઇ બોલાય
…….મંદ પવનની લહેર.
++++++++++++++++++++++++++++++++