રટણની અસર
રટણની અસર
તાઃ૨૦/૨/૨૦૧૦ પ્રદીપ બ્રહ્મભટ્ટ
રામનામનું રટણ કરતાં,મને મળી ગયા જલારામ
વીરબાઇ સંગે સાચીભક્તિ કરતાં,હરાવ્યા પ્રભુરામ
………રામનામનું રટણ કરતાં.
શેરડીગામનું રટણથતાં,મને મળીગયા સાંઇબાબા
ભેદભાવની ચિંતા છોડાવા,મળી ગયા મને બાબા
………રામનામનું રટણ કરતાં.
મહેનત મહેનત રટણ રાખતાં,મળી ગયા સોપાન
ખંતરાખી તનમનથી કરતાં,જગે દીઠા મેં ઘરબાર
……..રામનામનું રટણ કરતાં.
ભક્તિ ભક્તિનું રટણરાખતાં,મને મળી કૃપા અપાર
કરતાં સાચી મનથી રોજ,પાવન લાગે ઘરના મોભ
………રામનામનું રટણ કરતાં.
કામ કામનુ રટણ કરતાં,મળી ગયા મને સારા કામ
મહેનતસંગે સમય સાચવતાં,મેળવી લીધા સન્માન
………રામનામનું રટણ કરતાં.
જન્મ મરણનું રટણ કરતાં,મળશે પ્રભુ કૃપાનો સંકેત
ભક્તિસાચી તોડે બંધનદેહના,મળશે મુક્તિનો સંદેશ
………રામનામનું રટણ કરતાં.
#############################