પ્રેમની શોધ
પ્રેમની શોધ
તાઃ૩/૬/૨૦૧૦ પ્રદીપ બ્રહ્મભટ્ટ
કેવો મળશે ને કેટલો મળશે,ક્યારે મળશે ને ક્યાંથી મળશે
સમજ મને નાઆવી શકશે,ક્યારે જીવની આવ્યાધી ટળશે
……….કેવો મળશે ને કેટલો મળશે.
માગું મનથી પ્રેમ હ્રદયનો,ડરુ છુ હું કે નામળે મને ઉપરનો
દુનીયાદારી મેં જાણી લીધી,ત્યારથી જીવની સમજુ સ્થીતી
અતિ મળે જ્યાં ઉભરો દેહથી,સમજી લેવુ ત્યાં ગયો કામથી
……….કેવો મળશે ને કેટલો મળશે.
સંતાનના સહવાસ નો પ્રેમ,તરસે માબાપ જીવનમાં એમ
લાગણીપ્રેમ ને સદાચાર રહે,જ્યાં સંસ્કારનીગંગા વહ્યા કરે
ઉજ્વળજીવન ને સાર્થકજન્મ,જ્યાં માબાપનોપ્રેમમળી રહે
………..કેવો મળશે ને કેટલો મળશે.
જીવ આ ઝંખે પ્રભુની પ્રીત,માનવ શોધે જગે તેની રીત
માળાથી મળશે કે મંદીરથી,ના સમજમાં આવે એ કોઇથી
આશિર્વાદથી કે દંડવતથી,ના સમજાય અહીં માનવીથી
…………કેવો મળશે ને કેટલો મળશે.
===============================