પ્રદીપકુમારની કલમે…

                  માનવીની દોસ્તી

તાઃ૧૬/૬/૨૦૧૦                          પ્રદીપ બ્રહ્મભટ્ટ

કનુ,મનુની ચર્ચા ગામ આખામાં,ચૉરે ચબુતરે થાય
પ્રેમપ્રસંગ કે આધીવ્યાધી,તોય હાથ પકડી હરખાય
                             ………..કનુ,મનુની ચર્ચા ગામ.
આવે છોને ઘેરા વાદળ,કે પછી વાદળધોળા દેખાય
પ્રેમસાંકળ તેમણે જકડી,ગામમાં ના કોઇથી છોડાય
પડખે આવી ઉભા રહે ત્યાં,જ્યાં આવે અડચણ દ્વાર
સુળીનો ઘા સોયે સરવા,અડધી રાતે એ દોડી જાય
                             ………..કનુ,મનુની ચર્ચા ગામ.
મંજીરાના તાલસાંભળે,કે પછી તાલીઓના ગડગડાટ
ના ફેર તેમને પડે સાંભળી,એતો દુરના ડુંગર દેખાય
પ્રાણી,પશુ કે માનવીનીઆંખે,જ્યાં અશ્રુ વહેતા થાય
આવે દોડી વિશ્વાસ,શ્રધ્ધાએ,જે દુઃખને હળવુ કરીજાય
                             ……….. કનુ,મનુની ચર્ચા ગામ.
જન્મ તો જીવ મેળવે જગત પર,એ કર્મ જ કહી જાય
ભક્તિપ્રેમની સંગે જીવતાં,જીવપર પ્રભુ કૃપાથઇ જાય
ગામમાં ગુંજન કનુમનુનું,જે માનવીની દોસ્તી મનાય
સફળજન્મ ને સાર્થકજીવન,ના દેખાવથી કદીએ થાય
                                 ………..કનુ,મનુની ચર્ચા ગામ.

+++++++++++++++++++++++++++++++