ચાંદની
. ચાંદની
તાઃ૬/૮/૨૦૧૧ પ્રદીપ બ્રહ્મભટ્ટ
શીતળતાનો સહવાસ મળે,જ્યાં ચાંદની ચમકી જાય
મધુર મળે મહેંક માનવીને,પુનમનો ચાંદ દેખાઇજાય
. ……………શીતળતાનો સહવાસ મળે.
કુદરતની આ અજબ કરામત,જીવે સરળતાય મેળવાય
ના સમજ આવે જ્યાં મનને,પુનમ પછી અમાસ દેખાય
સરળતાના સોપાને જીવને,આગળ પાછળ પણ જોવાય
મળે દેહે પ્રેમ પરમાત્માનો,ત્યાં ચાંદની શીતળ થઈજાય
. ………….શીતળતાનો સહવાસ મળે.
ડગલું ભરતાં ડગલું સાચવે,એમાનવીની સમજ કહેવાય
આવતી વ્યાધી અટકી જાય,જ્યાં જીવને રાહ મળીજાય
માર્ગ જીવનમાં અનેકમળે,ના કોઇનાથી એને ઓળખાય
પ્રભુકૃપાએ એને પારખી લેતાં,સમય સમયથી પરખાય
. …………… શીતળતાનો સહવાસ મળે.
++++++++++++++++++++++++++++++++++