July 10th 2009

ઉંધી ચાલે ગાડી

                      ઉંધી  ચાલે ગાડી

.તાઃ૯/૭/૨૦૦૯                પ્રદીપ બ્રહ્મભટ્ટ
સંસારની આ સરગમમાં જ્યાં લાડી બદલે વાડી
આવીજાય ત્યાંજ ઉપાધી જ્યાં ઉંધી ચાલે ગાડી  
                              ……સંસારની આ સરગમમાં.
એકમેકનો પ્રેમ નિરાળો જે હૈયેથી ઉભરાઇ જાય
સુંદર જીવન મહેંકે ને મળી જાય સાચો સથવાર
જ્યાં લાડી ચાલે પાછળ ત્યાં જીવન મહેંકી જાય
સહવાસ રહે છે હૈયે ને પાવન પ્રેમ પણ દેખાય
                            …… સંસારની આ સરગમમાં.
સંતાનનો સહવાસ મળે ત્યાં લાડકોડ છે ઉભરાય
વ્હાલ હૈયેથી નીકળે ત્યાં માબાપ પણ  મલકાય
ડગલુચાલે પાછળ તો જન્મે ઉજ્વળતા મળીજાય
આગળભરે જ્યાં ડગલુ ત્યાં મહેંક સઘળીચાલીજાય
                                 ……. સંસારની આ સરગમમાં.
મળી જાય જ્યાં હાય બાય ત્યાં ના રહે સન્માન
મહેંક વિસરાય જીવનમાં ને દુશ્મન દેખાઇ જાય
ચાલી ગાડી જીવનની ત્યાં  મધુર મહેંક લહેરાય
ઉંધી ગાડી ચાલતાં હવે ના જગે કશુંય દેખાય
                            …….સંસારની આ સરગમમાં.

૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦૦

July 10th 2009

ચિંતા,ચતુરાઇ

                    ચિંતા,ચતુરાઇ

તાઃ૯/૭/૨૦૦૯                પ્રદીપ બ્રહ્મભટ્ટ

કરેલ કામની જગમાં મળે છે જ્યાં વધાઇ
રહે ચિંતા ના મનમાં રહે છે જ્યાં ચતુરાઇ
                           ……કરેલ કામની જગમાં.
ડગલુ માંડતા જગમાં વાગે છે સૃષ્ટિની શરણાઇ
મન અને માનવતામાં  જીંદગી જાય છે વણાઇ
કરેલ કામ દીપી ઉઠે જ્યાં છે માનવતા મહેંકાઇ
મળતી મમતાનેમાયા ત્યાંકાયાની કિંમતજણાઇ
                                 ……કરેલ કામની જગમાં.
ચિંતાનો પડદો નિરાળો સાથે એ કાયમ રહેનારો
બુધ્ધિના વાદળ ઘેરા જે બને તેમાં છે સથવારો
લાગણીલાગે મનથી સફળતાનીસીડી ત્યાંમળશે
ચતુરાઇને આગળ રાખતાં સીધ્ધી સાથે જ રહેશે
                                 ……કરેલ કામની જગમાં.
કરુણા સાગરની દ્રષ્ટિ જગત જીવને છે એ નિરખે
સાથે  ચાલે ભઇ બુધ્ધિ જ્યાં કૃપા રહે પ્રભુજીની
છુટે માયા કાયા ના બંધન ને ચિંતા ચાલે નેવે
આવે સફળતા આંગણે જ્યાં ચતુરાઇ સંગે હાલે
                                ……કરેલ કામની જગમાં.

====================================