મિત્રતા
મિત્રતા
તાઃ૨૬/૬/૨૦૧૦ પ્રદીપ બ્રહ્મભટ્ટ
ગણેલી જીવનની ઘડીઓને,ના કોઇથી ભુલાય
યાદગીરી રહે એજીવને,જ્યાં મિત્રતા સચવાય
……….ગણેલી જીવનની ઘડીઓને.
સમજણ આવે જીવનમાં,ત્યાં સોપાનો ઓળખાય
કુદરતની આ કરિશ્માને,ના માનવીથી સમજાય
કરુણા પ્રેમ આશીશમળે,જ્યાં શ્રધ્ધાનેજ પકડાય
પ્રેમ નિખાલસ મળેજીવને,જે મિત્રતાએ મેળવાય
……….ગણેલી જીવનની ઘડીઓને.
સ્વાર્થ મોહને દુર કરતાં,ઉભરે છે અંતરમાં ઉજાસ
ભક્તિ પ્રેમથી પારખી લેતાં,સહવાસી મળી જાય
સાંકળ સાચી સ્નેહની,અંતરને આનંદ આપી જાય
નિર્મળ પ્રેમ મળે મિત્રતાએ,જે અંત સુધી લેવાય
………..ગણેલી જીવનની ઘડીઓને.
મિત્ર મિત્રતા મળીરહે,ને મોહ માયા ને ભાગંભાગ
સંસ્કારસિંચન એ કુદરતી,ત્યાં લોભસ્વાર્થ અટવાય
મળી જાય એ મનથી,જ્યાં ભક્તિ પ્રેમને મેળવાય
સાચી કેડી જીવનની દીસે,ત્યાં મિત્રતાય વખણાય
……….ગણેલી જીવનની ઘડીઓને.
=+++++++++++++++++++++++++++=