માટીની પરખ
. માટીની પરખ
તાઃ૨૭/૭/૨૦૧૧ પ્રદીપ બ્રહ્મભટ્ટ
જીવનો સંબંધ છે દેહથી,જે જન્મે માટીથીજ પરખાય
માતાના દુધની એ સુવાસ,તેના વર્તનથી ઓળખાય
. ………….જીવનો સંબંધ છે દેહથી.
અવનીની આ વિશાળભુમી,પણ પવિત્ર થોડી કહેવાય
પાવનકર્મની કેડી દેવા,પરમાત્મા જ્યાં અવતરી જાય
ભારત એવી કર્મભુમી છે,જ્યાં શ્રીરામકૃષ્ણ જન્મી જાય
ભક્તિભાવની રાહ બતાવીને,આ જન્મ સફળ કરી જાય
. …………જીવનો સંબંધ છે દેહથી.
હાય બાયની ટૂકી લાગણી,અહીં આવી ને જ સમજાય
મળતાં ઉભરે પ્રેમ દેખાવનો,જે જતાં જ વિસરાઇ જાય
મારુ તારુ ત્યાં અટકીજ રહે,જ્યાં સુધી દેખાવ ટકી જાય
સહજતાં જે રહે જન્મ સંગે,અહીં આવીને વિસરાઇ જાય
. ………..જીવનો સંબંધ છે દેહથી.
———————————————-