પ્રેમ ગંગા
. .પ્રેમ ગંગા
તાઃ૧૮/૪/૨૦૧૫ પ્રદીપ બ્રહ્મભટ્ટ
પરમ પ્રેમની ગંગા વહેતા,આ માનવ મન મલકાય
ઉજવળ કેડી પ્રેમની મળતા,આ જીવન સુધરી જાય
…….એવુ નિર્મળ જીવન જીવતા,જલાસાંઈની કૃપા થાય.
અવનીપરનુ આગમન,એતો જીવનુ જીવન કહેવાય
કેડી ઉજવળ મળતા જીવને,જ્યાં નિર્મળતા સહેવાય
અહીં તહીંની માયાને છોડતા,પાવન રાહ મળી જાય
રામનામની માળા જપતા,જીવને શાંન્તિ સ્પર્શી જાય
……..એવુ નિર્મળ જીવન જીવતા,જલાસાંઈની કૃપા થાય.
મળે જીવને આ માનવદેહ,જે કર્મની કેડી આપી જાય
કરેલ કર્મ એ બંધન છે જીવના,મુક્તિ માર્ગે દોરી જાય
અપેક્ષાના વાદળથી છુટતા,ના બંધન કોઇ મેળવાય
અંતે જીવને રાહ મળે,જ્યાં પરમાત્માની જ કૃપા થાય
………એવુ નિર્મળ જીવન જીવતા,જલાસાંઈની કૃપા થાય.
+++++++++++++++++++++++++++++++++++++