સવારની સરળતા
સવારની સરળતા
તાઃ૧૮/૭/૨૦૧૦ પ્રદીપ બ્રહ્મભટ્ટ
મીઠી મહેંક ધરતીની આવે,ને સુર્ય કિરણ સહવાય
ઉજ્વળ પ્રભાતના કિરણોથી,સવાર સરળ થઇજાય
………..મીઠી મહેંક ધરતીની આવે.
મંદ પવનની લહેર મળે,ને પંખી કલરવ સંભળાય
આંખોને ઉજાસ મળે ધરતીએ,જે દેહથી અનુભવાય
મળે શાંન્તિ માનવ મનને,જે પ્રભુ કૃપાએ મેળવાય
જીવને મળે અનંત આનંદ,જે ના શબ્દોથી કહેવાય
………. મીઠી મહેંક ધરતીની આવે.
દેહે પડતાં પ્રભાત કિરણે,સુર્યના સ્પંદન મળી જાય
હૈયે મળતી જ્યોત આનંદની,ના દીવાથી મેળવાય
સુગંધ પ્રસરેપ્રેમની માનવીએ,જીવથીજ એ લેવાય
મળીજાય જ્યાં ટાઢકદેહને,ત્યાં પ્રભાત ઉજ્વળ થાય
………..મીઠી મહેંક ધરતીની આવે.
===============================