પ્રદીપકુમારની કલમે…

.                    .આંખ મારી

તાઃ૪/૯/૨૦૧૧                   પ્રદીપ બ્રહ્મભટ્ટ

આ આંખ તો મારીજ છે,ના આંખ કોઇનેય મેં મારી
કુદરતને  હું નિરખી જાણું,ના કોઇને ક્યાંય એવાગી
.                          ………….આ આંખ તો મારી જ છે.
સરળ સ્નેહની સાંકળ મળે,જ્યાં સઘળુય સરળ દેખાય
પાવન કર્મને નિરખી પારખતાં,ના માગેલુ મળી જાય
સરળસૃષ્ટિની રચનાજોતાં,આંખે ટાઢક પણ થઈ જાય
મારી આંખોને પાવનદ્રષ્ટિ,સંતોની સેવાએ મળી જાય
.                           ………….આ આંખ તો મારી જ છે.
કળીયુગ કેરી રાહે ચાલતાં,ક્યાંક આંખ મારી જવાય
જ્યાંપડે પકડેલ ડંડો બરડે,ત્યાંદોષ આંખોનો કહેવાય
દેહનેમળતાં ઉંમરનોસંગ,આંખ બંધ ઉઘાડ પણ થાય
ના મનની કોઇ ભાવના ઇચ્છા,તોય આંખ મારી જાય
.                         …………….આ આંખ તો મારી જ છે.

++++++++++++++++++++++++++++++++++

.                      .કોણ,ક્યારે આવે?

તાઃ૪/૯/૨૦૧૧                           પ્રદીપ બ્રહ્મભટ્ટ

જગતમાં મળેલ જન્મને હંમેશા અપેક્ષા જ હોય છે.

*મારા ઘરવાળા ક્યારે આવશે?
*મારી વહુ ક્યારે આવશે?
*મારે સંતાન ક્યારે આવશે?
*મારી દીકરી ક્યારે આવશે?
*મારું ભણતર ક્યારે પુરૂ થશે?
*મને નોકરી ક્યારે મળશે?
*મને સારા મિત્ર ક્યારે મળશે?
*મને પૈસા ક્યારે મળશે?
*મને સુખ ક્યારે મળશે?
*મારી મા ક્યારે રાજી થશે?
*મારા પપ્પા મને ક્યારે વ્હાલ કરશે?
*મારી દીકરીને સંતાન ક્યારે આવશે?
*મારા દીકરાની વહુ કેવી આવશે?
*મારા પડોશી ક્યારે સારા આવશે?
*મને મનની શંન્તિ ક્યારે મળશે?
*મારે ત્યાં સાચા સંત ક્યારે આવશે?
*મારાથી માયા ક્યારે છુટશે?
*મને નિખાલસ પ્રેમ ક્યારે મળશે?
*મારી જીભ ક્યારે સચવાશે?
*મારી લાગણી ક્યારે સમજાશે?
*મારી મહેનતનુ ફળ ક્યારે મળશે?
*મને મા સરસ્વતીની કૃપા ક્યારે મળશે?
*****અને
…………. મને મોક્ષ ક્યારે મળશે?