પ્રેમની જ્યોત
પ્રેમની જ્યોત
તાઃ૧૨/૮/૨૦૦૯ પ્રદીપ બ્રહ્મભટ્ટ
નજર મળી ત્યાં નૈન મળ્યા,
ને મનડુ ખળભળ થાય
લગામ છુટી જ્યાં અંતરની,
ત્યાં આંખો જ ઢળી જાય.
………નજર મળી ત્યાં નૈન.
શીતળ પવનની લહેર આવી,
ત્યાં ચુંદડીય ઉડી જાય.
લહેરાયેલા વાદળ જેવા,
વાળ પણ વિખરાઇ જાય
………નજર મળી ત્યાં નૈન.
દેહને અનેક સાંકળ વળગી,
ના છુટી કે કોઇથી છોડાય
સમાજ સંસારની ચાલ એવી
જ્યાં આંખો જ ઢળી જાય
………નજર મળી ત્યાં નૈન.
મળતી જ્યાં માયા કાયાની
ના આજુબાજુ કાંઇ દેખાય
સ્પર્શ શીતળ મળી જાય
ત્યાં પ્રેમની જ્યોત મળી જાય
………નજર મળી ત્યાં નૈન.
+++++++++++++++++++++++++++++++