ગઇકાલ અને આવતીકાલ
ગઇકાલ અને આવતીકાલ
તાઃ૩૧/૧૨/૨૦૦૯ પ્રદીપ બ્રહ્મભટ્ટ
જીવના જગતમાં આ બે બંધન,
એક ગઇકાલ ને બીજી આવતીકાલ.
ગઇકાલના સંબંધ દેહના દીસે,
ને આવતી કાલના જીવને સહવાય.
……….જીવના જગતમાં આ બે.
દેહના બંધન જગમાં ફરતાં,
જે ભવિષ્યની કેડીએ લઇ જાય;
સંબંધ દેહનો ગઇ કાલનો,
જે જગે આવતી કાલે જ દેખાય;
છુપાવવાની લાખ કોશીશે,
ના જગમાં કોઇથી એ છુપાવાય.
…………જીવના જગતમાં આ બે.
પરમાત્માની ભક્તિ કરતાં,
આવતીકાલને ઉજ્વળ બનાવાય;
જલાસાંઇની ભક્તિ કરતાં,
સંસારી જીવન મહેંકી જાય;
અલખની ના જરુર આ દેહને,
એ તો પારકે રસ્તે દોરી જાય.
……..જીવના જગતમાં આ બે.
ગઇકાલ ને આવતીકાલને વિસરી,
આજને પકડી જો ચાલી જાવ;
ઉજ્વળ આવતીકાલ થશે,
ને ભવિષ્યે હરખાઇ જવાય;
મહેનત સાચા મનની આજે,
સફળતાના સોપાન દે કાલે.
………જીવના જગતમાં આ બે.
MMMMMMMMMMMMMMMMMMMMMMMMMM