પ્રદીપકુમારની કલમે…

                                  જીવની અપેક્ષા

તાઃ૨૨/૧/૨૦૧૦                                            પ્રદીપ બ્રહ્મભટ્ટ

      પરમાત્માની અસીમ કૃપા થતાં આ જીવને કર્મના બંધન થકી
માનવ જન્મ મળ્યો છે.જે  સાર્થક કરવા સામાન્ય માનવી
પૃથ્વી પર અપેક્ષા રાખે છે……..

*જગતપર દેહ દેનાર માબાપનો હંમેશાં સંતાન પ્રેમ મળે.

*જન્મ સાર્થક કરવા મા તરફથી સંસ્કાર મળે અને પિતા તરફથી
જીવન જીવવાની સાચી કેડી અને મહેનતનુ માર્ગ દર્શન મળે.
*ગુરુજી તરફથી જીવનની સફળતાનો પાયો મળે જે જીવન ઉજ્વળ કરે.
*સંતના આશીર્વાદ મળે જે ભક્તિમય જીવન દઇને જીવ પર પ્રભુકૃપા થાય
*મોહ માયાના બંધન છોડવા પરમાત્માની કૃપા મળે.
*શ્રધ્ધાથી જીવન જીવવામાં પત્નીનો પણ સાથ મળે.
*સત કર્મમાં પત્ની અને સંતાનોનો સહવાસ મળે.
*જન્મ મરણના બંધનથી મુક્તિ મેળવવા પરમાત્માનો સાથ મળે.
અને…….
*જે ધરતી પર જન્મ મળ્યો છે તે ધરતી પર દેહનો ત્યાગ થાય તેવી
પરમાત્મા કૃપા કરે.

=====================================

                                એકદમ મસ્ત

તાઃ૨૨/૧/૨૦૧૦                                 પ્રદીપ બ્રહ્મભટ્ટ

ફરવા નીકળો આ સીટીમાં,જરૂર આવજો મારી ડેલીએ
મળશે એકદમ મસ્ત ચા ગુજરાતી,જે દેહે લાવશે હેલી
                          ……….ફરવા નીકળો આ સીટીમાં.
પાણી  ને દુધ તો અહીંનુ,પણ ચા પાંદડી તો ઇન્ડીયન
ચા નાખી પાણીમાં ઉકાળતા જ,પકડાઇ જાય પાકો રંગ
આદુનો પાવડર પણ સાથે,જે પીતા પેટ સાફ થઇ જાય
ગરમ ચા પીતા ઠંડી પણ ભાગે,ને મળી જાય ગરમાવો 
                          ………ફરવા નીકળો આ સીટીમાં.
ગુજરાતનુ ગામ યાદ આવે,જ્યાં ચાય પીવાય ચટાચટ
ના કૉફી કે કોઇ ડ્રીંક ભાવે,ગરવુ જ્યાંમળીજાય ગુજરાત
સ્ફુરતી શરીરની સચવાઇ જાય,ત્યાં દવાદારુની ના ટેવ
મસ્તી મનમાં મળી જાય અહીંયાં,જાણે ચંગુમંગુની જોડ
                            ………ફરવા નીકળો આ સીટીમાં.

+++++++++++++++++++++++++++++++++++++