નુતન વર્ષ
નુતન વર્ષ
તાઃ૧/૧/૨૦૧૦ પ્રદીપ બ્રહ્મભટ્ટ
નુતનવર્ષની નજર પામવા,મહેનત મનથી કરજો
૨૦૦૯ ને વિદાય દેતા, ૨૦૧૦માં ભક્તિ સંગે રહેજો
………નુતન વર્ષની નજર પામવા.
આગળ ડગલું માંડતા પહેલા,વિચારી મનથી લેજો
મળશે સાચી પગલી પગલે,ને શાંન્તિ મનને દેશે
રોજે રોજેના જીવનસાથે, મહેનતની સંગે પણ રહેજો
સરળતા મળી જશે ત્યાં,ને સફળતાનો આનંદ લેશો
……….નુતન વર્ષની નજર પામવા.
ભુતકાળની ભ્રમણા છોડી,નવી રાહને નીરખી લેજો
ઉમંગ દોડી આવશે સામે,ને પુરણ કામનેય કરશો
નખશીખમાં માનવતા રહેતા,સાથ સૌનો પણરહેશે
ના માગણી તમો કરશો,સાચો પ્રેમ સામેથી મળશે
……….નુતન વર્ષની નજર પામવા.
કુદરતની કૃપાતો ન્યારી,શ્રધ્ધાએ જ મળી જાય
વળગી રહેતા ભક્તિ સંગે, જીવન ઉજ્વળ થાય
૨૦૦૯ના ભુતકાળને ભુલી, ૨૦૧૦માં રચી રહેશો
ડગલે પગલે સરળતા આવી,શરણે તમારે રહેશે
………નુતન વર્ષની નજર પામવા.
++++++++++++++++++++++++++++++++