દર્શનની પ્યાસી
દર્શનની પ્યાસી
તાઃ૧/૧૦/૨૦૧૦ પ્રદીપ બ્રહ્મભટ્ટ
પાવાગઢની ઓ માડી,તારા દર્શન કરવા હું આવી
શ્રધ્ધા ભક્તિની સંગે ,મા હું ગરબે ધુમવાને લાગી
તારા ગરબે દેતીતાળી,મા હું રુમઝુમ કરતી આવી
………ઓ પાવાગઢની માડી.
માબહુચરમા ઓ કાળકામા,માચામુંડા ચોટીલાવાળી
ઓદુર્ગામા ઓમેલડીમા,મા વહાણવટી પાળજવાળી
મા તાલ દેતી ગરબે ઘુમતી,તને રાજી કરવા આવી
મા તને રાજી કરવા હું આવી
………ઓ પાવાગઢની માડી.
તાલેતાલથી ગરબે ઘુમતી,મા હું સિંદુરને સાથે લાવી
દેજેપ્રેમ ને હેત ઓ માડી,તારી ભક્તિ પ્રેમથી કરનારી
નવરાત્રીના નોરતા વ્હાલા,માડી લેજે ભક્તિ સ્વીકારી
મા કૃપાથી લેજે જીવને ઉગારી
………ઓ પાવાગઢની માડી.
+++++++++++++++++++++++++++++++