ગરબે આવ્યા
___________________________________________
ગરબે આવ્યા
તાઃ૧૪/૧૦/૨૦૧૦ પ્રદીપ બ્રહ્મભટ્ટ
નોરતાની નવલી રાત્રીએ,મા કાળકા ગરબે આવ્યા
આજે મા અંબા મા ભવાની,મા દુર્ગાને સંગે લાવ્યા
………..નોરતાની નવલી રાત્રીએ.
ગરબે રમવા આવ્યા મા કાળકા,ગરબાના જોઇ તાલ
સહેલીઓનો સંગે લાવ્યા,ખોલવા આજ ભક્તિના દ્વાર
તાલીઓના તાલમાં રહીને,ગરબે ઘુમે છે નર ને નાર
કૃપા તારી મા પામવા કાજે,ઘુમતા હૈયે રાખીને હામ
……….નોરતાની નવલી રાત્રીએ.
કંકુ પગલા પાડજે માડી,વિનવે નવરાત્રીએ નરનાર
ભક્તિ મનથી કરતાં આજે,લાવ્યા ધુપદીપને સંગાથ
પાયલ નો ઝંકાર સાંભળી,મા કરજે તુ કરુણા અપાર
ગરબેરમવા આવ્યા નોરતે,કરજે મા જીવોનો ઉધ્ધાર
………નોરતાની નવલી રાત્રીએ.
===============================