અંતરનો પ્રેમ
અંતરનો પ્રેમ
તાઃ ૨૨/૮/૨૦૦૯ પ્રદીપ બ્રહ્મભટ્ટ
પ્રેમ હ્રદયમાં ઉભરી આવે, ના કોઇથી જાણી શકાય
મળી જાય એ માનવતાએ,જીવન પણ ઉજ્વળથાય
…….. પ્રેમ હ્રદયમાં ઉભરી આવે.
લાગણી આવે જ્યાં આંગણે, સૌથી એ જોવાઇ જાય
મનના મેળ ને હેત જગમાં, આંખોથી પરખાઇ જાય
પ્રેમ મનથી મળી જાય,ત્યાં હેત હૈયેથી વરસી જાય
સ્પંદન એવા આવી જાય,જે નૈનોમાં જ દેખાઇ જાય
…….. પ્રેમ હ્રદયમાં ઉભરી આવે.
માનવતાની મહેંક જ્યાંમળે,ત્યાં ભક્તિપ્રેમ થઇ જાય
નિર્મળ સ્નેહનાબંધન એવા,જ્યાં સ્વાર્થસદા અકળાય
મળતો ખોબે પ્રેમ સાચો જ્યાં,ના ઢગલો ત્યાં દેખાય
અમરત્વના આંગણે એવો,અંતરનો પ્રેમ જ મળીજાય
…….. પ્રેમ હ્રદયમાં ઉભરી આવે.
+++++++++++++++++++++++++++++++++++