પ્યારા વતનની યાદ
પ્યારા વતનની યાદ
તાઃ૨૦/૧/૨૦૦૯ પ્રદીપ બ્રહ્મભટ્ટ
મીઠી મંદ પવનની લહેર ને કિરણો સુરજના અનેરા
લહેર પ્રેમની લઇને આવે રોજ સવારે શીતળતાસાથે
………એવા મારા વ્હાલા પ્યારા વતનની યાદ મને બહુ આવે
મળે મન ને મહેંકે જીવન જ્યાં અંતરને આનંદ મળે
હાથમાં હાથ મળે ત્યાં માનવ જીવનમાં ઉજાસ રહે
અળગી અજ્ઞાનતા દીસે ને આંખો આંસુથી છલકાય
જગતજીવના જુઠા સંબંધો અળગા જગથી થઇ જાય
………એવા મારા વ્હાલા પ્યારા વતનની યાદ મને બહુ આવે
સુખદુઃખના સથવારમાં માનવ જીવન જગમાં જીવે
ના આરો કે ઓવારો જ્યાં મોહ માયા જગતની મળે
લાગણી સ્નેહનેપ્રેમ હંમેશા સાચા સહવાસે જ્યાંદીસે
મળતા મન ને મળતો પ્રેમ ના કદી દીસે કોઇ મેખ
………એવા મારા વ્હાલા પ્યારા વતનની યાદ મને બહુ આવે
(((((((((((((((((((((((((((જય ગરવી ગુજરાત)))))))))))))))))))))))))))))))