January 14th 2009

આવે ભક્તિ અને પ્રેમ

                        આવે ભક્તિ અને પ્રેમ

તાઃ૧૪/૧/૨૦૦૯                        પ્રદીપ બ્રહ્મભટ્ટ

આજ મારે આંગણે મેં આવતા દીઠા ભક્તિ અને પ્રેમ
જીવનની ઉજ્વળ જ્યોત જલાવતા દીઠા ભક્તિ પ્રેમ
                                            …..આજ મારે આંગણે મેં
તુલસીજીની મહેંકપ્રસરી આંગણે ને લીલીપાનની કોર
પંખીના કલરવમાં મે માણ્યા ઉજ્વળ જીવનના વ્હેણ
                                            …..આજ મારે આંગણે મેં
આગમન સુર્યોદયનો થતાં માણી મેં જીવનમાં જ્યોત
પ્રકાશ કેરી પગદંડીએ મેળવી લીધો જલાસાંઇનો પ્રેમ
                                            …..આજ મારે આંગણે મેં
દ્વાર મુક્તિના ખોલવા કાજે રમારવિ સંગ ભોલે ભજુ હું
માંગુ પ્રેમે મુક્તિ દેજો આવજો પ્રેમે અંતે જીવને લેજો
                                            …..આજ મારે આંગણે મેં
આવે ભક્તિ પ્રેમેલાવે જીવને મળેલ દેહને દેવા શુધ્ધિ
પામવા પ્રેમ જગતમાં જીવ તરસે જે મળે મનેફરીફરી
                                            …..આજ મારે આંગણે મેં

++++++++++++++++++++++++++++++++++++++++++++

January 14th 2009

ગણેશ

                 

                              ગણેશ

તાઃ૧૩/૧/૨૦૦૯                       પ્રદીપ બ્રહ્મભટ્ટ

મારા મનમાં છે આવેશ, પ્રેમે ભજુ ગજાનંદ ગણેશ
લાવ્યો દીપ ફુલ ને હાર,કરજો કૃપાઅમો પર આજ
                                        ……..મારા મનમાં છે આવેશ

જય ગણેશ જય ગણેશ મારા મનથી જ રટણ થાય
સુર્યોદયના આગમન થતા,મારા મંદીરે દીવડા થાય
ભક્તિની સુવાસથી જીવન, સૌના ઉજ્વળ થતા જાય
                                        ……..મારા મનમાં છે આવેશ

પાવનજીવન બની જાય, જ્યાં રિધ્ધસિધ્ધિ મળી જાય
ગણેશજીની કૃપા મળે જ્યાં,ત્યાં ભોલેનાથ પણ હરખાય
મા પાર્વતીનો પ્રેમઉભરે ને જયગણેશ જયગણેશભજાય
                                        ……..મારા મનમાં છે આવેશ

મંગળવારની મંગળ પ્રભાતે ભજન ભક્તિ ભાવે થાય
લહેરેમન ને મહેંકેઘર જ્યાં ગણેશના ગુણગાન ગવાય
શ્રધ્ધાભક્તિ સાથેરહેતા જીવનમાં જ્યોત ભક્તિનીથાય
                                        ……..મારા મનમાં છે આવેશ

ૐૐૐૐૐૐૐૐૐૐૐૐૐૐૐૐૐૐૐૐૐૐૐૐૐૐૐૐૐૐૐ