ઉભરો
ઉભરો
તાઃ૨૦/૪/૨૦૧૦ પ્રદીપ બ્રહ્મભટ્ટ
આકુળ વ્યાકુળ જીવનમાં,જ્યાં અતિનો સહવાસ થાય
અંત મળે નામાગેલો જગમાં,જે ઉભરાથી ઢોળાઇ જાય
…………આકુળ વ્યાકુળ જીવનમાં.
પ્રેમ મળે જ્યાં હ્ર્દયથી,ત્યાં માનવતા મળતી દેખાય
હદથી પાર દેખાવનો મળતાં,જીંદગી જ બગડી જાય
…………આકુળ વ્યાકુળ જીવનમાં.
ભણતરના સોપાને પહોંચે,જ્યાં માનવીથી સમજાય
અતિને મેળવી લેતાં જગે,પાગલમાંજ ખપી જવાય
………..આકુળ વ્યાકુળ જીવનમાં.
કુદરતની છે કળા નિરાળી,સમજી સમજીને જોવાય
દુધ પાણીને અતિ તાપતાં, ઉભરો ત્યાં આવી જાય
………..આકુળ વ્યાકુળ જીવનમાં.
ભક્તિમાં પણ વળગીને ચાલતાં,હદમાં કૃપાજ થાય
અતિનો જ્યાં અણસારમળે,ત્યાં પાગલ થઇ જવાય
……….. આકુળ વ્યાકુળ જીવનમાં.
==============================