કાતરી આંખ
કાતરી આંખ
તાઃ૨૯/૧૧/૨૦૧૦ પ્રદીપ બ્રહ્મભટ્ટ
નજરના બાણ વાગતાંજ, હૈયેથી પ્રેમ મળી જાય
કાતરી આંખની નજરથી,બનતુ કામ બગડી જાય
……….નજરના બાણ વાગતાંજ.
મળે નજર એક ભાવથી,ત્યાં આત્મા રણકી જાય
સહવાસ મળતાં સંગથી,જગે બધુ જ મળી જાય
કુદરતની આ લીલા,જેને સાચાપ્રેમથી મેળવાય
ના મોહ માયાના વર્તન,જેમાં કળીયુગી ભટકાય
………નજરના બાણ વાગતાંજ.
સફળતાનાઆ સોપાનમાં,સરળતાય સંગાઇ જાય
મહેનત સાચી આવે સાથે,જ્યાં કામ મનથી થાય
મળતી સફળતાય અટકે,નેમહેનત પણ એળે જાય
કાતરી આંખની નજર પડે,ત્યાં સધળુય ઉંધું થાય
………..નજરના બાણ વાગતાંજ.
===============================