પ્રદીપકુમારની કલમે…

                    જન્મદીને શુભેચ્છા

૧૩/૧૧/૨૦૧૦   (કારતક સુદ સાતમ)  પ્રદીપ બ્રહ્મભટ્ટ

જન્મદીન મારા જલાબાપાનો,ભક્તિમાર્ગ એ મારે લેવાનો
મેળવી કૃપા પરમાત્માની,જન્મ સફળ આ જીવનો કરવાનો
                            ………જન્મદીન મારા જલાબાપાનો.
ભક્તિની શક્તિ છે ન્યારી,જગત જીવને એ શાંન્તિ દેનારી
ઉજ્વળ જીવન જીવી જવાનું,જન્મ સાર્થક આ કરી લેવાનો
મોહ માયાના તોડતા બંધન,કળીયુગથી પણ  છુટી જવાનુ
શાંન્તિનો સહવાસ મળે ત્યાં,મારે જલાકૃપાએ રાજી થવાનું
                            ………જન્મદીન મારા જલાબાપાનો.
વિરબાઇ માતાની સાચી ભક્તિ,પરમાત્માએ પારખી લીધી
આંગણે આવી પ્રભુએ માગણીકીધી,ભક્તિ સાચી કરી દીધી
બાપા અમને ભક્તિદેજો,ને જીવન અમારે તમો સાથે રહેજો
મહેનત તનથી કરી લીધી ,હવે મનથી ભક્તિ અમને દેજો
                          …………જન્મદીન મારા જલાબાપાનો.
બાબા શબ્દ સાંભળતાં ભક્તોના,સાંઇબાબાના દર્શન થાય
એવો શબ્દ બાપાનો સંભળાતા,જલાબાપા પણ આવીજાય
ભક્તિની આ કૃપાછે એવી,જે દેહનો જન્મ સાર્થક કરી જાય
જન્મદીનની શુભેચ્છા અમારી,અમને સહવાસ આપી જાવ
                             ………જન્મદીન મારા જલાબાપાનો.

**************************************
જય જલારામ જય જલારામ બાપા જય જય જય શ્રીરામ.
 ++++++++++++++++++++++++++++++++++++