વ્હેંચણી આનંદની
વ્હેંચણી આનંદની
તાઃ૨૫/૧/૨૦૦૯ પ્રદીપ બ્રહ્મભટ્ટ
અંતરના આનંદને વ્હેંચી
જગતજીવના પ્રેમ હું લેતો.
માગણી કદી ના કરતો મનથી
મળી જતી લાગણી સૌ જનની.
આજકાલના અવસર ના જોતો
સદા આનંદ જીવનમાં લેતો.
મારું મારું કદી ના હું કહેતો
કોઇ પારકુ આ જગમાં ના જોતો.
એક કદમ જ્યાં પ્રેમથી ભરતો
સાથે સૌ મારા મિત્રોને જોતો.
જલારામ જલારામનું જપ હું કરતો
સદા પ્રેમથી સાથ મને સૌનો મળતો.
જીવનમાં જ્યાં આવે વ્યાધી
સૌના પ્રેમથી એ જાતી આઘી.
જીભે ને હૈયે જ્યાં સાચો પ્રેમ
ના રહે જગમાં કોઇ વ્હેમ.
——————————————