સમયનો સાથ
. સમયનો સાથ
તાઃ૭/૧૦૨૦૧૧ પ્રદીપ બ્રહ્મભટ્ટ
પકડી લેતા આંગળી સમયની,સઘળુ સચવાઇ જાય
ચુકી જતાં એક પળ જીવનમાં,સઘળુય વેડફાઇ જાય
. ………….પકડી લેતા આંગળી સમયની.
મળતા દેહ અવનીએ જીવને,જગે માબાપ મળી જાય
બાળપણની કેડીને કુદતાં દેહ,જુવાનીએ લપટાઇજાય
જુવાનીના જોશને સાચવતાં,ઘણું બધુ સમજાઇ જાય
કુદરત કેરા ન્યાયમાં,સમય જીવને ઘણુંય આપી જાય
. …………પકડી લેતા આંગળી સમયની.
ઝટપટની ઝંઝટ જ્યાં મુકી,ત્યાં સફળ કામ થઈ જાય
શ્રધ્ધા એ સમજ જીવની,જે સાચી ભક્તિએ સમજાય
સુખ દુઃખ એતો દેહનીચાવી,ના જીવને કાંઇજ લગાર
સમય આવે સમજાય જીવને,જે મતીને બદલી જાય
. …………પકડી લેતા આંગળી સમયની.
*********************************************